Jose Ignacio Munillak Donostia utziko du, Orihuelako elizbarrutia bere gain hartzeko
Orain arte Donostiako elizbarrutiko arduradun izandako Jose Ignacio Munilla Orihuelako (Alicante) gotzain izango da astearte honetatik aurrera. Frantzisko aita santuak izendatu du postu horretarako, eta datorren otsailaren 12an izango den ekitaldi batean jabetuko da karguaz.
Prelatuak azaldu duenez, behin-betiko agurraren aurretik zeregin administratiboak egiten jarraituko du Donostiako elizbarrutian. Bertako Artzain Onaren katedralean esker-emate meza emango du urtarrilaren 6an, agur modura.
Donostiako Apaiztegian emandako prentsaurreko batean iragarri du bere joatea 2009an Juan Maria Uriarteren postua hartu zuen gotzainak. Berarekin izan dira donostiar elizbarrutiko dozena erdi apaiz eta bikario, eta angelusa abestu dute Inmakulada egunaren bezperan, jarraian kazetariei erantzuteko.
Ez du hitzik esan nahi izan Gipuzkoan izandako ibilbidean bizitako uneei buruz. Izan ere, azaldu duenez, "ausartegia" litzateke une bakarra aipatzea, denbora horretan zehar gertatu zaizkion "gauzarik ederrenak" kameretatik urrun eta albiste publikoetatik at izan baitira.
Prelatuaren hitzetan, "bakez, esker onez eta konfiantzaz" hartu du aita santuak emandako ardura, eta beregan ezarritako "merezigabeko" konfiantza eskertu dio.
Era berean, lurraldeko katolikoak gonbidatu ditu Donostiako hurrengo gotzain izendatuko dutenari harrera beroa ematera, "haren izena jakin aurretik ere". "Katolikoek konfiantzazko botoa ematen diogu aita santuari, geure elizbarrutiko artzaintzarako ordezkorik onena bilatuko baitu", azpimarratu du Munillak.
Hamabi urte polemikak inguratuta
Hedabideen aurrean egindako agerraldian, Munillak saihestu du azken hamabi urteetan izandako askotariko polemikei aipamenik egitea. Sarritan jarri dute zalantzan gotzaina, bere kudeaketaren aurkako fededunen sektore batetik zein feminismoaren eta LGBT eskubideen aldeko mugimenduetatik, beste hainbat kolektiboren artean.
Azken hamabi urteetan zehar, besteak beste, Elizaren kontuetan milioi bat eurotik gorako galerak eragin izana leporatu zaio, baita hierarkian oinarritutako Eliza eredu bati eutsi izana ere.
Gotzain "polemikoa" izatea eta Gipuzkoako Elizako "giroa kaskartzea" egotzi diotenen inguruan galdetu zaionean, Munillak ez du bereizmenik egin nahi izan eta gainerako "gipuzkoar fededun katolikoei" helarazitako mezu berdina eskaini die. Azken horiek "eliza-konfiantzazko espirituarekin" bizitzera gonbidatu ditu.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.