Pfizerren txertoaren babesa txikiagoa da omikron aldaerarako, ikerketa baten arabera
Pfizerren txertoaren bi dosiren babesa apur bat txikiagoa da omikron aldaeraren aurreran, baina ez da guztiz desagertzen, Hegoafrikan egindako ikerketa txiki baten atariko emaitzen arabera. Edozein kasutan, 12 pertsonaren datuak aztertuta egindako ikerketaren arabera, txertatutakoak zein lehenik kutsatutakoak babestuago daude.
Afrikako Osasun Ikerketaren Institutuak (AHRI, ingelesez) egin du ikerketa, eta oraindik komunitate zientifikoak berrikusi behar du.
Hegoafrikako laborategiak argi adierazten duenez, "SARS-COV-2ren omikron aldaerak Pfizer-BioNTechen txertoak (Comirnaty) sortutako antigorputzen immunitateari ihes egiten dio, baina txertatutako pertsonek zein aurretik kutsatutakoek babes handia dute", esan du ikerketa zentroak.
Willem Hanekom AHRIko zuzendari exekutiboak azaldu duenez, espero daitekeen ondorio nagusia egungo formulek omikron aldaeraren aurrean babes urriagoa eskaintzen duela izan arren, "txertoetan adituak bat datoz txertoak gaixotasun larriak eta heriotzak saihesteko eraginkorrak direla esaterakoan".
Datu hauek ez dira nahikoak aldaera berriaren aurrean txertoek duten eraginkortasuna zehazteko, baina jatorrizko koronabirusaren aldean, babesaren jaitsiera 41 aldiz handiagoa da omikronen kasuan.
Alex Sigal ikerketan parte hartu duen kideetako batek sare sozialen bidez zehaztu du, omikronen kasuan, azterketako datuak espero zirenak baino "hobeak" direla, birusaren mutazio ugariak kontutan hartuta.
"Genomari erreparatuta, okerragoa izango zela uste nuen. Kantitate kontua dela dirudi batez ere: zenbat eta antigorputz gehiago, hobe", esan du Sigalek Twitterren.
Farmazia konpainiaren ikerketak
Bestalde, Albert Bourla Pfizer etxeko zuzendari exekutiboak adierazi duenez, koronabirusaren omikron aldaerak eragindako sintomek arinagoak dirudite, baina, beste aldaerak baino azkarrago transmititzen dela ohartarazi du.
Bourlak azaldu duenez, euren txertoak aldaera honen gainean eskaintzen duen babesa ikertzen ari da eta datozen asteetan informazio gehiago izatea espero du.
Zure interesekoa izan daiteke
Basauri BEA futbol taldearen hurrengo hiru partidetara ez du epailerik bidaliko Bizkaiko Arbitroen Batzordeak
Epailerik gabe, beraz, partida ezingo da jokatu. 16 urteko arbitro emakume bat iraintzeagatik eta mehatxatzeagatik ezarri diote zigorra futbol taldeari.
Corellako 14 urteko adingabe bat saldu eta ezkontzera behartu zuten pertsonak epaituko dituzte
Kasua ikertu duen epailearen ustez, gertakariak gizakien salerosketaren delitu izan daitezke. Autoaren arabera, gaztea ezkontzera behartu zuten "5.000 euro, bost whisky botila eta janariaren truke" eta, ondoren, Kataluniako hainbat udalerritan eskean aritzera behartu zuten.
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.