Adostasun sozialaren bidetik bultzatu nahi du Kontseiluak Nafarroako Euskararen Lege berria
Nafarroako Euskararen Legeak 35 urte bete zituen atzo eta Euskalgintzaren Kontseiluak ekitaldi batean salatu du, lege horrek nafarren hizkuntza eskubideak urratzen dituela eta lege "diskriminatzailea" dela.
Euskalgintzaren Kontseiluko bozeramaile Paul Bilbaok adierazi du "kezkaz" bizi dituztela Nafarroan azken urteetan euskarak bizi dituen atzerapausoak eta azpimarratu duenez, "Euskararena kausa politikoa da".
Salatu dute, esaterako, 2000. urtean UPNk abian jarritako dinamikei eusten zaiela oraindik, eta berriki onartutako Kontratazio Publikoaren Legeak nafar guztien hizkuntza eskubideak urratzen dituela. Desadostasunen aitzakian "dena onartzen" dela salatu du Bilbaok; horren harira esan duenez, "ezin da dena desadostasun izan, jokoan daude herritarren eskubideak eta muga batzuk definitu beharko lirateke, ezin delako desadostasunaren izenean dena onartu".
Euskalgintzaren Kontseiluko idazkari nagusiarentzat, erronka euskararen lege berri baterako oinarria jartzea da eta horretan jarriko dituzte indarrak datozen hilabeteetan. "Gure konpromisoa da hurrengo hilabeteetan askotariko harreman zikloa irekitzea adostasunak trinkotzeko, ondoren, adostasun sozial horretatik adostasun politikora jauzi egiteko", adierazi du Bilbaok.
Horren haritik, helburu jarri dute dokumentu adostu bat prestatzea, lege berri baterako oinarri izan daitekeena. Abiapuntua iaz ezarri zuten, Batuz Aldatu. Hizkuntza-politiketan eragiteko adostasun soziala ekimena, hain zuzen; Euskal Herri osoko eta hainbat eremutako eragileek etorkizuneko hizkuntza-politika eragingarriaren norabidetzea ezarri zuena.
Ekimen horri jarraituz eragileak batu nahi dituzte, "ahalik eta adostasun sozial zabalena izango duen proposamena aurkeztea baita gure asmoa". Ondoren, batasun horretatik hizkuntza-eskubideen bermea ardatz izango duten politiketan eragiteko urrats bateratuak egin ahal izateko, "hori guztia eragileen adostasuna oinarri: batuz aldatu".
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.