Bertan behera utzi dute Donostiako Danborrada bigarren urtez jarraian
Donostiako Udala umeen eta helduen danborradetako arduradunekin bildu da aurtengo ospakizuna aurrera eramango zen ala ez erabakitzeko. Azkenean, aurtengo Danborrada ez ospatzea erabaki dute.
Bileran tokiko agintariek hartu dute parte, zazpi auzotako delegatuekin batera.
"Aurreikuspen guztien arabera, urtarrilaren 20an egoera ez da ona izango", beraz, ez da banderaren igoerarik ezta jaitsierarik izango, iragarri du Eneko Goia Donostiako alkateak. "Halabeharrez eta tristura handiz" hartutako erabakia izan dela adierazi du buruzagiak.
Hala ere, ikastetxeekin datorren asteartean berriro bilduko direla iragarri du, "beste aukera batzuk aztertzeko". Haurren Danborrada bere horretan egitea "ezinezkoa" dela berretsi du alkateak, baina "beste formatu batean zerbait egin ahal izatea" asteartean zehaztekotan gelditu dira.
"Udalak, haurren eta helduen danborradetako ordezkariak entzun ondoren emozionalki erabaki zaila hartu du, baina beharrezkoa", azaldu du tokiko erakundeak ohar batean.
Horregatik, Udalak ez du hiriko banderaren "igoerarik ezta jaitsierarik" antolatuko jendez lepo dagoen Konstituzio plaza batean, "ezta haurren konpainiak Alderdi Ederren bildu ere, eta hiriko kaleetatik desfilea egin".
"Osagai sinboliko" bezala, desfilatu nahi duten haur danborradako konpainiek "ezohiko formatu batean" egin ahal izatea nahi du Udalak. Nola datorren asteko bileran "zehaztuko" dute.
"Danborrada bertan behera uztea oso erabaki zaila da beti", onartu du Eneko Goia alkateak.
"Gure jairik garrantzitsuena osotasunean gozatu ezin izango dugun bigarren urtea da, pena oso handiarekin. Hala ere, osasun egoera eta indarrean dauden neurriak kontuan izanda, erabakia beharrezkoa zela uste dugu. Azkenera arte itxaron dugu, aukera guztiak agortuz", azaldu du agintariak.
"Data ospatzeko eta hiriko zaindaria ondratzeko ekitaldiren bat" egin ahal izateko proposamenak jaso ditu Udalak gaur, eta aztertuko ditu.
Hala eta guztiz ere, Esther Ferrer artistari Urrezko Danborra emateko ekitaldia egingo dute urtarrilaren 20an, baita herritarrei meritu dominak ematekoa ere urtarrilaren 19an. Udaletxetik kanpo egiteko aukera aztertzen ari dira, "aforo handiagoa izateko".
Azpeitiko danborrada, airean
Bestalde, Azpeitiak larunbat honetan hartuko du bertako danborradaren inguruko erabakia. Azken datuen arabera, Gipuzkoako herri horretan 8.600,53 kasukoa da intzidentzia metatua, 100.000 biztanleko.
Zure interesekoa izan daiteke
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.
Baso-sute handi bat piztu da Gironan
Baix Empordako sutearen ke-zutabeak 5 kilometroko altuera hartu du ostiral honetan.
Hilketa matxistak Alacanten eta Malagan: hiru emakume hil dituzte
Gizon bat atxilotu dute gaur emaztea eta alabetako bat hiltzea eta beste bat larri zauritzea egotzita. Asteazkenean, emakume baten gorpuatopatu zuten Malagan; martxotik desagertuta zegoen. Hilketaren ustezko egilea, bikotekide ohia, espetxeratu berri dute.
EHUk ikasgai guztietan izan diren noten berri emango du astelehenean, ikasgaien arteko alderaketa eginda
Estitxu Garai EHUko errektoreordeak babesa helarazi die irakasle eta zuzentzaileei eta “kezka” adierazi du, presioen ondorioz hainbatek zuzentzaile lanetan ez aritzea erabaki ondoren, "zuzentzailerik gabe geratzeko arriskua" dagoelako.
Donostian 29 urteko gizon bati arma zuriz egindako eraso bat ikertzen ari da Ertzaintza
Gaztea Donostia Ospitalera eraman dute, baina, dirudienez, zauriak ez dira larriak.
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.