Adituak itxaropentsu agertu dira esklerosi anizkoitzaren inguruko azken aurkikuntzaren aurrean
Esklerosi anizkoitza Epstein-Barr birusak eragiten duela ondorioztatu du zientzialari talde batek, mononukleosiaren birusak, alegia. Hardvardeko Unibertsitateak zuzendu du bi hamarkada luzatu den ikerketa, eta Ameriketako Estatu Batuetako 10 milioi militarri bi urtean behin egiten zaizkien analisiak baliatu dituzte hori burutzeko.
Adituak, oro har, bat etorri dira aurkikuntzaren interpretazioari dagokionez, iraultza ekar baitezake esklerosi anizkoitzaren tratamenduan. Alfredo Antigüedad Gurutzetako Ospitaleko Neurologia buruak 2012tik darama gaixoekin birus horren eragina aztertzeko lanean, tratamenduak egokitzeko. ETBri eskainitako adierazpenen arabera, ikerketaren emaitzak "ate berri bat ireki digu eta baliteke hurbileko etorkizun batean gaixotasun hau prebenitzeko txertoak garatzea".
Leire Avellanal Zaballa, bestalde, medikua da, eta 19 urte zituela esklerosi anizkoitza diagnostikatu zioten. Hasiera "oso gogorra izan zen, beti ikusten baitugu gaixotasunaren alderik zaharrena: gurpildun aulkia, bilakaerarik txarrena...". Avellanalek ere albistearen aldeko irakurketa egin du. Haren aburuz, "itxaropena" ekarriko du, eta "argi handi bat".
Era berean, adierazi du "ikerketa maila berriak" zabalduko direla hemendik aurrera.
Hardvarden ikerketaren arabera, nerbio-sistema zentraleko gaixotasun honen eragile nagusia muxuaren gaitza da. Medikuak azpimarratu duenez, ikerketaren laginetik "955ek mononukleosia pairatu dute, esklerosia garatu baino lehen". Hala, aipatu birusa duten pertsonengan esklerosi anizkoitza garatzeko arriskua 32 aldiz handiagoa dela ondorioztatu dute.
Maria Luisa Ustarroz Gipuzkoako Esklerosi Anizkoitzaren Elkarteko presidenteak, berriz, "zuhurtziaz" hartu nahi izan du berria, eitb.eus-i eskainitako adierazpenetan. Edonola ere, haren arabera, gaiaren inguruko albistea kaleratze soila "berri ona" da, eta "gaixotasuna ikertzen ari direla esan nahi du".
Ikerketek aurrera egin bitartean, munduan ia 3 milioi lagunek duten gaitz honen prebentzioa gertuago ikusten dute medikuek.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.