Euskadiko 697 ikastetxek aurrematrikula epea zabalik dute urtarrilaren 28ra arte
Haur, Lehen eta Bigarren Hezkuntzako 697 ikastetxek, horietako 454 publikoak, aurrematrikulazio epea ireki dute astelehen honetan, 2022-2023 ikasturteari begira. Epea urtarrilaren 28an agortuko da.
Haur Hezkuntzako (2 urte) lehen zikloa 538 zentrotan eskaintzen da, eta bigarren zikloa 539 ikastetxetan. Lehen Hezkuntza 533 zentrok emango dute, eta Bigarren Hezkuntza 326k.
Familiek Internet bidez aurkeztu dezakete eskaera, Hezkuntza Saileko webgunean, edo aurrez aurre lehen aukera duten ikastetxean bertan.
Aurrematrikula epea itxi ondoren, eskaeren zerrendak otsailaren 15ean argitaratuko dituzte, eta martxoaren 8an tokien behin-behineko banaketa jakinaraziko dute.
Ondoren martxoaren 15era arte erreklamazio epe bat zabalduko da, eta martxoaren 22an behin betiko zerrendak argitaratuko dituzte, baina apirilaren 22ra arte errekurtsoak aurkezteko tartea izango da.
Eskaera baino toki gehiago jasotzen dituzten ikastetxeek eskakizunen baremazioa egin behar dute. Eskaera bakoitzean 12 aukera ezberdin sar daitezke.
Anaia-arreben presentzia ikastetxean, zentroa etxetik gertu egotea, familiaren errenta eta ikaslearen desgaitasuna, besteak beste, irizpideak izango dira, Hezkuntza Sailak ohar batean azaldu duenez.
Familia ugariek ez dute dokumentaziorik aurkeztu beharko (Hezkuntza Saila arduratuko da, eta egiaztatuko du). Sare publikoan Bigarren Hezkuntzara pasatzen diren ikasleek ez dute eskaera egin beharko, insitutua Lehen Hezkuntzako zentroari loturik badago, eta hizkuntza eredu berdinean jarraituz gero.
Horrela, familia batek eskakizuna egiten ez baldin badu, Lehen Hezkuntza zentroari lotutako institutuan jarraitu nahi duela ulertuko da. Beste zentro batera joan edo Lehen Hezkuntzako ikastetxeak institutu bat baino gehiagorekin lotura duenean, ostera, eskaera egitea beharrezkoa izango da.
Zure interesekoa izan daiteke
12.600 sinaduratik gora bildu dira USAPeko irakasleei emandako "tratu bidegabea" salatzeko
EHUko irakasleek agerraldia egin dute USaPen jardun duten kideen profesionaltasuna defendatzeko, eta babes gisa 12.645 sinadura jaso dituztela jakinarazi dute (horietatik 2.000 unibertsitateko langileenak). Iñigo Urrutia irakasleak azaldu duenez, kaltetuek zein EHUk berak "tratu bidegabea" jaso dute, unibertsitate publikoaren objektibotasuna, gardentasuna eta zerbitzuarekiko konpromisoa kolokan jarri direlako.
2026ko uztailaren 8ko entzierroaren unerik onenak
Cebada Gago ganadutegiko zezenak protagonista izan dituen 2026ko sanferminetako bigarren entzierroa azkarra izan da. Arriskutsu ospeari omen eginez, gizon bat adarkatu dute besoan, Telefonica parean. Zezenek 2 minutu eta 26 segundo behar izan dituzte bidea egiteko.
San Ferminetako erraldoien agurra, zuzenean
Txupinazo Txikia, zuzenean
Emakume bat eta haren alaba indarkeriaz hil direla baieztatu dute Mijaseko etxebizitza batean izandako sutearen ostean
Guardia Zibila asteazken goizaldean gertatutakoa ikertzen ari da eta ez du hipotesirik baztertzen.
Gazte bat larri dago telefono mugikor bat berreskuratzeko Urumea ibaira salto egin ostean
Gertakariak 00:45ean izan dira. Hasiera batean, larrialdi-zerbitzuek flotagailu bat bota diote, baina korronteak arrastan eman eta hondoratu egiten zela ikusita, Ertzaintzako bi agente eta udaltzain bat uretara bota dira laguntzeko. Ateratzea lortu dutenean, bihotz-birikak suspertzeko maniobrak egin behar izan dizkiote eta larri eraman dute erietxera.
Zestoako San Lorentzo ermitako kanpaia eta Zarauzko Vicente Tximuren brontzezko eskultura lapurtu dituzte
Ertzaintza Zestoa eta Zarautzen izandako bi lapurreta ikertzen ari da. Biak joan den astean izan ziren, bata bestearengandik 14 kilometrora kokatuta zeuden eta lapurtutako bi piezak brontzezkoak dira. Zarauzko pasealekuan zegoen eskultura bata eta Zestoako San Lorentzo Ermitako kanpaia bestea.
Ertzaintzak barne-ikerketa abiatu du agente batek adingabe bati ustez egindako erasoa argitzeko
Jarduketa bide-segurtasuneko gertakari gisa hasi zen, antza denez, agenteak patinete elektrikoan kontrako noranzkoan zihoan adingabearekin gurutzatu zirenean. Iturri horien arabera, identifikatzeko gelditzeko eskatu ziotenean, "ez zien jaramonik egin agenteek gelditzeko emandako jarraibideei", eta atzeman ondoren gertatu zen, ustez, agentearen erasoa.
Cebada Gago ganadutegiko zezenek adarkatu bat utzi dute entzierro azkar batean
Zezenek 2 minutu eta 26 segundo behar izan dituzte bidea egiteko. Halaber, beste bi pertsona zauritu dira, biak kolpeengatik.
76 urteko gizon bat atxilotu dute Hondarribiko Donejakue Bidean emakume erromesei sexu-abusuak egiteagatik
Joan den astean salaketa jaso ondoren, eta beharrezko ikerketak egin ondoren, Ertzaintzak jakin zuen ekainaz geroztik gutxienez beste zazpi emakumek jasan dituztela gisa horretako abusuak inguru berean, antzeko ezaugarri fisikoak zituen pertsona batek eginak. Kasu guztietan, biktimak emakume atzerritarrak ziren, Hondarribian bakarrik zebiltzanak.