Banketxeko datuak lapurtzeko iruzur mezuak bidaltzen ari direla ohartarazi du Ertzaintzak
Euskal Autonomia Erkidegoko (EAE) biztanleen banketxeko datuak lapurtzeko eta horiei iruzur egiteko SMS mezuak bidaltzen ari direla ohartarazi du Ertzaintzak. Ohar baten bidez jakinarazi duenez, hainbat herritar izan dira iruzur horren biktima, eta horien datuak eskuratu ostean, diru-transferentzia bat egiten dute gaizkileek Bizum aplikazioaren bitartez.
Maula zelan egiten duten azaldu du Ertzaintzak. Herritarrak SMS mezu bat jasotzen du telefonoan, bertan ohartarazten diote "ekipo ezezagun bat" bere kontura konektatuta dagoela, eta esteka bat eskaintzen diote arazoa konpontzeko. Estekak banketxearen antzeko webgune batera eramaten du, eta biktimari bankuko kontuaren datuak eta erabiltzailea sartzeko eskatzen diote. Ziberdelitugileek datuok erabiltzen dituzte kontuan sartzeko eta iruzur egiteko. Kasu batzuetan, beste datu batzuk ere eskatu dituzte, hala nola NANa edo telefono zenbakia.
Datu guztiak eskuratuta, transferentzia bat egiten diote beste pertsona bati Bizum aplikazioaren bidez, eta, segur aski, horren identitatea ere ordezkatuta izango dute. Transferentzia baliokoa izan dadin, benetako banketxeak sms bat bidaltzen du kode batekin. Delitugileek kode hori eskatzen dute banketxeko langileen lekua hartuta, diru-transferentzia osatu ahal izateko.
Iruzur horren aurrean, Ertzaintzak azpimarratu du "oso garrantzitsua" dela "erne egotea", eta hainbat gomendio eman ditu:
- Ez sartu ustezko banketxeetatik SMS, WhatsApp edo posta elektroniko bidez iristen diren esteketan. Finantza erakunde ofizialek ez dizute inoiz eskatuko esteka batean sartzeko zure kontuen segurtasuna berriz ezartzeko.
- Halako mezu bat jasoz gero, oso garrantzitsua da banketxearekin telefonoz harremanetan jartzea benetakoa den egiaztatzeko, aldez aurretik zenbakia egiaztatu ondoren.
- Halako mezu bat jasotakoan, salaketarik jarri nahi ez baduzu, komeni da Ertzaintzari eta dagokion banketxeari jakinaraztea prebentzio-neurriak har ditzan.
- Inoiz ez birbidali plataformetatik telefonoan jasotako kodeak; izan ere, transferentziak osatzeko delitugileek behar duten bigarren autentifikazio-datua dira.
- Gauza bera gerta liteke WhatsApp kontuekin, modu horretara lapurtu baititzakete.
- Inoiz ez bidali agirien kopiarik ezezagunei; izan ere, beste identitate faltsu batzuk sortzeko, bankuko kontuak irekitzeko, kredituak eskatzeko, telefoniako kontratuak egiteko eta beste hainbat gauzatarako erabil ditzakete.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.