Kutsatzeak gehi txertoa jasotzeak, edo alderantziz, inmunitate sendoagoa sortzen du
Gauza bera da koronabirusarekin kutsatzea eta ostean txertoa hartzea ala txertatzea eta ondoren birusa harrapatzea. Hau da, ez dago alderik bi egoera horien artean. Batean zein bestean, "erantzun immunitarioa oso altua da", ikerketa baten arabera.
Science Immunology aldizkariak argitaratu ditu emaitzak, eta erakusten dute txertoak (kutsatu aurretik zein ondoren) antigorputz sendoagoak sortzen dituela txerto hutsak (kutsatzerik gabe) baino.
Kutsatu direnen kasuan, Osasun Publikoak hirugarren dosia hiru hilabetetik bostera atzeratzeko hartutako erabakiaz minzatu da Ana Galarraga Elhuyarreko zientzialaria ETB1eko 'Egun on Euskadi' saioan.
"Ondorioztatu dute hobeto dela dosi gehigarria atzeratzea gaixotasuna izan dutenen artean, kutsatzeak ere immunitatea sortzen duelako. Are gehiago, immunitate hibridoak erantzun hobea ematen du. Azken batean, hirugarren dosiaren egitekoa da sistema immunologikoari defentsak sortu behar dituela gogoraraztea, eta birusa harrapatu dutenen artean ez da beharrezkoa", adierazi du.
Aldi berean, zehaztu du birusaren gaineko ikerketak egiten ari diren adituek denbora behar izan dutela aurretik esandakoa egiaztatzeko, eta horregatik aldatu dutela irizpidea: "Ongi hartutako erabakia da".
"Immunitate hibridoa oso sendoa dela eta epe laburrean dosi gehiago behar ez direla ikusi dute"
CONTENIDO NO ENCONTRADO
Omicronek immunitate handiagoa sortzen duen galdetuta, argi utzi du oraindik ez dagoela ondorio horretara iristeko adina froga, baina immunitate handiena kutsatzeak gehi txertoa jasotzeak sortzen duela, birusaren aldaera gorabehera. "Horrek ez du esan nahi kutsatzea ona denik, ezta gutxiago ere. Beti da seguruagoa txertoa jartzea, kutsatzea baino, inoiz ez dakigulako birusak zer-nolako ondorioak ekar ditzakeen. Ez dugu ahaztu behar epe luzera ere eragiten dituela sintomak, covid kronikoa esaterako.
Science Immunology aldizkariak argitaratutako ikerketa
Immunitate hibridoak antigorputz gehiago eta indartsuagoak sortzen ditu; txerto hutsak eragindakoak baino 10 aldiz sendoagoak, gutxienez, ondorioztatu du ikerketak.
Omikron iritsi aurretik egin zuten ikerketa, baina ikertzaileek uste dute aldaera horrekin ere horixe bera gertatatuko dela, hots, immunitate handiagoa izango dutela kusatuta egon direnek, baldin eta txertoa hartzen badute.
Hain zuzen ere, ikertzaileen iritziz, pertsona askok immunitate hibridoa lortuko dute: denborarekin, geroz eta giza immunitate handiago bati egin beharko dio aurre birusak.
"Emaitza horiek gehi aurretik egindako lanak ondorioztatu dute SARS-CoV-2 birusa infekzio endemiko arin bat bihur daitekeela, alegia, arnas-aparatuarekin lotutako urtaroko gaitz bat izango dela, mundu pandemia bat izan beharrean", azpimarratu du Marcel Curlinek, ikerketaren egileetako batek.
Zure interesekoa izan daiteke
Beroagatik ezarritako alerta abisu horira jaitsi dute EAEn; Nafarroa erdialdean eta Iparraldean alerta mailari eutsiko diote
Arabak alertapean jarraituko du baso sute arriskuagatik. Abisu maila gorabehera, sargori egiten jarraituko du: maximoak 30 ºC-koak izango dira kostaldean, eta 37-38 ºC-koak, barnealdean. Astelehenean behera egingo dute tenperaturek.
Ezkaraiko sutea egonkortu dute, 115 hektarea inguru kiskali ostean
Dirudienez, Ayabarrena herrixkako sutea ostegunean piztu zen, ekaitzean botatako tximista baten eraginez.
"Joker" identifikatu eta zigortu dute bosgarren entzierroan, zezena grabatu eta ukitzeagatik
Sare sozialetan "Joker" bezala ezaguna den gizona identifikatu eta zigortu du Iruñeko Udaltzaingoak, telefono mugikorrarekin San Ferminetako bosgarren entzierroa grabatzeagatik eta zezenetako bat ukitzeagatik, korrika egiten ari zela. Bere portaerak entzierroaren araudia urratzen du, eta lasterkarien eta animalien segurtasuna arriskuan jartzen du.
Almeriako suteak "bilakaera ona" du, baina 6600 hektarea erre ditu dagoeneko
Baldintza meteorologikoek hobera egin dute, eta "lehen aldiz, suteari aurre egiteko moduan gara", iragarri du Larrialdi kontseilariak. Oraindik 23 pertsona topatu ezinda dabiltza, baina ez dute hustutze eta konfinamendu gehiagorik egin. 12 dira hildakoak.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.