Foru dekretu berriak ez du euskara meritu gisa hartuko Nafarroako eremu ez euskaldunean
Nafarroan, administrazioan euskararen erabilera arautzeko foru dekretu berriak ez du euskara meritu gisa hartuko eremu ez euskaldunean, ezta eremu mistoko zenbait lanbidetan ere, hala biltzen du Funtzio Publikoaren Mahaian aurkeztutako proposamenak.
Lau eta sei hilabete barru nahi luke indarrean dekretu hau Chiviteren Gobernuak, baina Exekutiboko bazkideen arteko desadostasunak agerikoak dira, baita hainbat sindikaturenak ere.
Gobernuak aurkeztu duen zirriborroan jaso dutenez, euskara ez da meritu gisa hartuko eremu ez euskaldunean eta mistoan, soilik lanpostu batzuetan balioko du, bereziki herritarrentzako zuzeneko arreta berezia duten lanbideetan, hori bai, dagokien herritarrekiko arreta edo tratu-mailaren arabera.
Dekretu honek, kontrara, frantsesa, ingelesa eta alemana baloratuko ditu, erkidego osoan.
Mahaia osatzen duten zenbait sindikatuk desadostasuna agertu dute, foru dekretu hau "atzerapausoa" dela argudiatuz eta euskararen zonifikazioa "betikotzen" duela esanez.
Foru dekretu berria indarrean sartzeko lehen urratsa da. Sindikatuek orain 15 eguneko epea dute alegazioak aurkezteko.
ELA sindikatuak salatu duenez, "euskara gutxiesten du" dekretuak. Sindikatu abertzaleak ohar batean azaldu duenez, testua irakurrita, Administraziora sartzeko deialdietan, "euskara ez da meritu izanen eremu ez euskaldunean, eta zonalde mistoan lanpostu zehatz batzuetan bakarrik".
ELAren hitzetan, "euskara, hizkuntza nafar gisa, Foru Erkidego osoan kontuan hartu behar dute. Printzipio hori errespetatzen ez duen araudi orok herritar euskaldunak gutxiesten ditu".
Ondorioz, dekretu berria euskararen normalizazioan atzerapauso bat dela uste du ELAk.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.