LABIk indarrean dauden murrizketak otsailaren 13ra arte luzatzea erabaki du
Iñigo Urkullu lehendakariak zuzentzen duen LABI instituzionala arratsaldean bildu da, eta koronabirusaren hedapenari aurre egiteko neurri murriztaileak otsailaren 13ra arte luzatzea erabaki du, EiTB Mediak jakin ahal izan duenez.
Dekretu berria arratsaldean bertan argitaratu eta indarrean izango da, horretarako baimenik eskatzea beharrezkoa ez delako.
Gotzone Sagardui Eusko Jaurlaritzako Osasun sailburuak gogorarazi duenez, gaurko datu epidemiologikoek intzidentziaren beherakada baieztatu dute azken 14 egunetan; azken zazpi egunetako joerak, ordea, beherakada moteltzen ari dela islatzen du.
Horregatik, datozen asteetan "zuhurtzia eta prebentzioa" mantentzea beharrezkoa dela uste du sailburuak, "ziurgabetasun aste" honen ondotik pandemiaren bilakaera zein den ikusi arte.
Kutsaduren joera beheranzkoa dela onartu du sailburuak, baina "abiadura askoz txikiagoan". Gainera, egun intzidentziak oso handia izaten jarraitzen du. "Egun guztietan 5.000 positibo berrien gainetik gaude", ohartarazi du.
Bestalde, gaurdaino aplikatutako prebentzio neurriak defendatu ditu Sagarduik, "eragina izan dutelako, pandemiaren joera aldaketan zein lehen txerto dosien kopurua gora egiteko orduan".
Covid ziurtagiria
Halaber, Eusko Jaurlaritzak atzo jakinarazi zuen eremu jakin batzuetara sartzeko covid ziurtagiria erakutsi behar izateko baldintza otsailaren 13ra arte luzatu nahi duela, eta horretarako baimena eskatu dio Euskal Autonomia Erkidegoko Auzitegi Nagusiari. Auzitegiak datorren asteartean aztertuko du eskakizuna, Fiskaltzaren txostena jaso ondoren.
Gainera, neurri hori eremu gehiagotara zabaldu nahi dutela iragarri zuten, hala nola hoteletara, ostatuetara eta joko-aretoetara.
Zentzu horretan, covid ziurtagiria "biztanlerian txertaketa bultzatzeko" neurri bezala ulertu dutela esan du Sagarduik, "talde immunitate handiagoa lortzeko eta, aldi berean, arrisku handiko tokietan transmisio arriskua murrizteko".
Osasun sailburuak errepikatu duenez, azken asteetako transmisio maila "oso handia" da, eta intzidentziaren beherakada "moteltzen hasi da" azken egunetan.
Bestalde, ospitaleratzeek eta ZIUetako paziente kopuruak "gorabeherak dituzte, baina maila oso altuetan dira, osasun sistema kontingentzia mailetara eramanez, eta horrek eragina du beste arreta zerbitzu batzuetan", onartu du.
Sagarduiren hitzetan, txertatu gabeko pertsonak "gehienbat" behar dute ospitaleratzea, % 70eko okupazioa gaindituz. "Horren aurrean zer prebentzio eman genezake? Txertaketa", nabarmendu du sailburuak.
Horregatik, toki zehatz batzuetan covid ziurtagiria eskatzea "txertaketa tasa hobetzen laguntzen ari da", azpimarratu duenez. Sagarduiren ahotan, "txertaketak hiru puntu gora egin ditu portzentajerik baxuena zuten taldeen artean pasaportea iragarri zenetik".
Bestalde, bi astez etenda egon diren eskola-kiroleko lehiaketak berriro izango dira martxan asteburu honetan.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.