Nafarroan neurriak otsailaren 14ra arte luzatzea baimendu du Auzitegi Nagusiak
Nafarroan koronabirusaren kontrako neurriak otsailaren 14ra arte luzatzea baimendu du Justizia Auzitegi Nagusiak, Foru Gobernuak eskatu zuen bezala, gaur Nafarroako Justizia Auzitegi Nagusiko Administrazioarekiko Auzien Salak ebatzi duenez. Halaber, covid ziurtagiria beharrezkoa izango da orain arteko toki berberetan.
Nafarroako Justizia Auzitegi Nagusiaren iritziz, murrizketak "beharrezkoak, neurrikoak eta egokiak dira" egoera epidemiologikoa aintzat hartuta. Zenbait adierazlek hobera egin badute ere, beste batzuek neurri beretsuan jarraitzen dutela ondorioztatu du Auzitegi Nagusiak.
Kutsatzeek behera egin arren, intzidentzia metatua oraindik ere oso altua dela nabarmendu du Nafarroako Justizia Auzitegi Nagusiak bere autoan. Hain zuzen ere, 14 eguneko intzidentzia metatua 4.711 kasukoa da 100.000 biztanleko, eta 7 egunekoa, ostera, 2.073 kasukoa. Auzitegiak gehitu duenez, 14 eta 7 eguneko intzidentzia metatuak abenduan neurri murriztaileak baimendu zirenean baino "askoz altuagoak" dira. 14 eguneko intzidentzia 1.934,67koa zen orduan, eta 7 egunekoa, 1.178,57koa.
Aretoak ondorioztatu duenez, aldaera berrien arriskua tarteko, proposatutako neurriak ezinbestekoak dira "birusaren transmisioa kontrolatzeko".
Hauek dira otsaileran 14ra bitarteko neurri murriztaileak
2022ko urtarrilaren 26ko 3/2022 Foru Aginduaren arabera, abenduko azken astetik indarrean dauden neurri gehienak mantenduko dira. Zehazki, 01:00etatik 06:00etara itxi egin beharko dituzte dendak, diskotekak, dantzalekuak, ikuskizun, kontzertu-areto, taberna, taberna berezi, kafetegi eta jatetxeak, bingoak, joko-areto eta apustu-etxeak, ostalaritza edo sukaldaritza jarduerak egiten dituzten espazio multifuntzionalak. Halaber, itxiera ordu hori errespetatu beharko dute elkarte gastronomikoek, peñek eta gazte lokalek eta antzerakoek.
Ostalaritzako lokaletan, ezingo da zutik kontsumitu; bai, ordea, barrari itsatsita jarritako mahaietan eserita eginez gero. Barra ondoko mahai horietan gehienez ere bi pertsona eseri ahalko dira. Gainerako mahaietan, gehienez 10 pertsona elkartuko dira. Neurri horiek bete beharko dituzte elkarte gastronomikoek eta peñek ere.
Halaber, orain arte bezala, kalean alkohola kontsumitzea debekatuta egongo da.
Erakunde antolatzaileek jende pilaketak ekiditeko neurriak hartu beharko dituzte. Horrez gain, ezingo da ez jan eta ez edan kultur, kirol eta gizarte ekitaldietan.
1.000 pertsonatik gorako edukiera duten barrualdeko ekitaldietarako eta kanpoan egiten diren 2.000 pertsonatik gorakoetarako nahitaezkoa izango da Nafarroako Osasun Publikoaren eta Lan Osasunaren Institutuari txostena eskatzea.
Bestalde, covid ziurtagiria nahitaez erakusten jarraitu beharko da Nafarroan. Orain arte bezala, toki hauetan sartzeko erakutsi beharko dute 12 urtetik gorakoek: zahar-egoitzak eta zentro soziosanitarioak, diskoteka, dantzaleku, ikuskizun, kontzertu-areto eta ekitaldi jendetsuetako lizentzia duten lokal eta establezimenduak (Osasun Ministerioaren jarduera koordinatuen dokumentuaren erregulazioa duten kirol-ekitaldiak izan ezik), bingoak, joko-areto eta apustu-etxeak, espazio multifuntzionaletako establezimenduak, jatetxeak (unibertsitateetako jantokiak eta jantokiak izan ezik), aterpetxeak, hotelak eta antzekoak, gimnasioak eta espazio itxietan zuzendutako kirol-jarduera fisikoak egiten diren instalazioak, lehiaketetako kirol-entrenamenduak izan ezik. Ez da covid pasaportea erakutsi beharko establezimendu horietako aire zabaleko espazio eta terrazetan.
Zure interesekoa izan daiteke
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak bere babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Jatorri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko beharrezko guztiak.
Espetxera bidali dute Bilboko portuan 120 kilo droga zeramatzala atzemandako guardia zibila
Guardia Zibileko agenteak lankide bat ikertzen ari ziren, narkotrafikoarekin zerikusia zuelakoan. Lankide horrek Fiskalaren eta Mugen arloan egiten zuen lan eta aduanetan eta mugako pasabideetan segurtasuna bermatzea zuen zeregin. Guardia Zibileko iturriek baieztatu dutenez, joan den igandean atxilotu zuten autoan eta portuko instalazioetan 120 kilo kokaina zeramatzala.
Albiste izango dira: Abisu horia elurragatik eta hotzagatik, 50 urte Franco hil zela eta Brouarden eta Muguruzaren hilketen urteurrena
Gaurkoan Orain-en albiste izango direnen laburpena, bi hitzetan.
Santurtziko institutu bateko irakasle baten aurkako jazarpen-kasu bat ikertzen ari da Adingabeen Fiskaltza
Adingabeen Fiskaltzak ikerketa abiatu du, Kantauri institutuko irakasle batek hainbat ikasle salatu ostean, ikasgelan hura grabatzeagatik eta mugikorraren bidez haren irudi bat manipulatu eta zabaltzeagatik.
Euskal errepideen egoera berrezarri da, goizeko lehen orduan gorabehera asko izan ostean
Bi errei itxi dituzte AP-8an, Zornotzan, eta lau kilometro arteko auto-ilarak izan dira; kamioi batek GI-636 errepidea blokeatu du Lezon, Errenteriarako noranzkoan, eta Santurtzin ere zirkulazioa oztopatu da. Gainera, errei bat itxi dute AP-1 autobidean, Soraluzen, kamioi batek matxura izan duelako.
Marlaska ministroak dio atxilotuen jatorria argitaratzeak ez duela delitua prebenitzen laguntzen
Ertzaintzak ildo horretan hartutako erabakiaren gaineko iritzia eman du, eta jatorria dena delakoa izan inor ez estigmatizatzearen alde agertu da.
Bengoetxeak azpimarratu du EHUk 192 milioi euro behar dituela inbertsio gehigarrietarako
Joxe Ramon Bengoetxea EHUko errektoreak bere ustez unibertsitate publikoak behar dituen beharrak azaltzen jarraitu du. Asteazken honetan, Eusko Legebiltzarrean izan da, eta azpiegiturak zaharkituta ez geratzeko plan batek 190 milioi euro baino gehiago izan beharko lituzkeela esan du.
Barakaldoko Lasesarre kiroldegia jendez hustu dute, sute baten ondorioz
Suhiltzaileek dagoeneko kontrolpean dute sua, eta lanean jarraitzen dute itzaltzeko.
Gipuzkoako Foru Aldundiak eta Zarauzko Udalak herrian izandako eraso matxista gaitzetsi dute
Bi erakundeek "irmo" gaitzetsi dute emakume batek jasan duen erasoa, eta ostegunean, 12:00etan, Udaletxe plazan egingo den elkarretaratzean parte hartzera deitu dituzte herritarrak.