Covid ziurtagiria ezartzeak hiru puntu igoarazi du txertaketa maila, Sagarduik nabarmendu duenez
Gotzone Sagardui Eusko Jaurlaritzako Osasun sailburuak nabarmendu duenez, covid ziurtagiria ezartzeak hiru puntu igoarazi du "atzeratuen zeuden taldeen" (20-29 urteko eta 30-39 urtekoen artekoak) txertaketa maila. Igoera horrek, sailburuaren ustez, neurria "eraginkorra" dela erakusten du, eta hori dela eta, otsailaren 13ra arte eskatzen jarraitzeko baimena galdegin dio EAEko Auzitegi Nagusiari.
Sagardui Legebiltzarrean izan da gaur, astero pandemiaren bilakaeraren berri emateko Osasun Batzordean egin ohi duen agerraldiaren testuinguruan. Datu epidemiologikoen berri eman du, aurrena. Azaldu duenez, azken 14 egunetako intzidentzia tasa metatua 3.134 kasukoa da 100.000 biztanleko, eta ospitaleetako presioa apur bat jaitsi da (624 pertsona daude gela arruntetan eta 92 ZIUetan). Sagarduiren aburuz, "beherakada motela" atzematen ari dira, eta "zuhurtzia"ri eusteko deia egin du.
Oposizioko taldeek (Vox, PP+Cs, Elkarrekin Podemos-IU eta EH Bildu) estu hartu dute sailburua, eta Jaurlaritzak hartu dituen neurrien "eraginkortasuna aztertzeko txostena" eskatu diote, covid ziurtagiriarena, besteak beste.
Horren harira, Sagarduik jakinarazi du ziurtagiria ezarri zenetik hiru puntu dela gazteriaren txertaketa maila, eta azpimarratu du ez dela halako igoerarik izan aurreko epeetan. "Beste prebentzio neurriekin batera, neurri eraginkorra dela frogatu du ziurtagiriak". Era berean, argitu du EAEko Auzitegi Nagusiari helarazitako eskaeran hotelak eta joko-aretoak ere aipatzen direla, baina "esplizitu egin" nahi izan dutelako izan da, bi leku horietan "jada eskatzen zutelako" (ostalaritza jarduera eskaintzen duten aldetik).
Albiste gehiago gizartea
Palestinako banderaren koloreekin osatutako mosaiko erraldoia egin dute herritarrek Bilboko Arriaga plazan
Bilboko Konpartsek antolatuta, “Israel egiten ari den genozidioa” salatu dute dozenaka lagunek. Sirena hotsarekin batera osatu dute mosaikoa, eta Bizkaiko hiriburuak “Palestinarekin bat” egiten duela adierazi diete erakunde, alderdi eta enpresei.
Gizon baten gorpua topatu dute Baionan, kale erdian
Antza denez, agenteek su-arma bat aurkitu dute haren ondoan, baina momentuz ez dute baieztatu. Nolanahi ere, ikerketa abiatu dute gertatutakoaren nondik norakoak argitzeko.
Gizon bat atxilotu dute Donostian, autokarabana batean lapurtzea leporatuta, jabea barruan lo zegoen bitartean
Jendea bizi den lekuan lapurreta egitea leporatu diote, eta epailearen esku utzi dute. Gertakariak 04:30 aldera jazo dira, Mirakontxa pasealekuan.
Nafarroako Gobernuak bertan behera utzi du baso-suteen arriskuagatik ezarritako larrialdi plana
Datozen egunetarako aurreikusitako eguraldi baldintzak direla eta hartu du erabakia Foru Gobernuak, SOS Nafarroak jakinarazi duenez.
Horrela laguntzen dute EAEko eta Nafarroako suhiltzaileek Espainiako baso-suteak itzaltzeko lanetan
Euskal Autonomia Erkidegoko (EAE) 58 suhiltzaile joan dira Gaztela eta Leonera baso-suteak kontrolatzen laguntzeko, Juntak Eusko Jaurlaritzari laguntza eskatu ostean. Nafarroatik, berriz, 24 profesional joan dira Asturiasera.
Abuztuan bakarrik suak 340.000 hektarea kiskali ditu Espainian, Copernicus zerbitzuaren arabera
Datuen arabera, Espainiako sute-urterik txarrena litzateke 2025a, 2022ko urte latza ere gaindituz. Orduan, abuztura arte, 200.000 hektarea inguru erre ziren.
10 pertsona atxilotu dituzte Aste Nagusiko hirugarren egunean, horietako bat arma zuriz mehatxu egiteagatik
Atxiloketen erdiak lapurretengatik egin dituzte. Halaber, gorabeherarik adierazgarrienak San Nikolas, Itxaropen eta Epaltza Alargunaren kalearen inguruan izan dira.
Emozioa eta arriskua Faltzesko Piloneko hirugarren entzierroan
Teodoro Vergara ganadutegia izan da hirugarren entzierro zirraragarri eta arriskutsuaren protagonista, ibilbidetik atera ondoren atzean geratu den behi batekin, baina mendi-mazelatik erori gabe. Korrikalari batzuk, ordea, erori egin dira, baina batek ere ez du zauri larririk izan.
Altubek ez du Bilboko eta Leioako campusetara joateko autobus zerbitzua eskainiko datorren ikasturtean
Enpresak lau hamarkada daramatza ikasleak egunero Gasteiztik Bizkaiko campusetara eraman eta ekartzen, baina arguaditu dutenez, zerbitzua ez da ekonomikoki bideragarria.
Aurrekaririk gabeko sute bolada: eremu zabalak kiskalita, milaka ebakuatu eta lau hildako
Mila pertsona inguruk protesta egin dute Leonen, orain arte egindako kudeaketaren aurka, eta dimisioak eskatu dituzte, baita larrialdiko 3. maila deklaratzea ere; beraz, kudeaketa Gaztela eta Leongo Juntatik Espainiako Gobernura igaroko litzateke.