Sanferminetako txupinazoa nork botako duen erabakitzeko sistema aldatu nahi du Mayak
Iruñeko alkate Enrique Maya "itxaropentsu" agertu da 2022ko sanferminei begira, eta txupinazoa nork jaurtiko duen erabakitzeko sistemari "buelta bat" emateko eskatu du.
Kazetariek egindako galderei erantzunez, Mayak adierazi du ez duela gustuko orain arte erabili izan duten sistema, "irabazleak eta galtzaileak daudelako". "Aspaldi esan nuen, eta sistema aldatzeko apustua egingo dut. Aho batez hartu beharreko erabakia dela uste dut. Lehenik eta behin politikarioi dagokigu txupina botako duen pertsona nor izango den erabakitzea, eta gure artean akordioa badago, herritarrek ulertu egingo dute hautatutako pertsona hori egokia dela", esan du.
Sanferminak hizpide, nabarmendu du txupinazioa poztasun une bat baino gehiago izango dela, bi urteko etenaldia bukatu dela ere esan nahiko duelako. Horrenbestez, pertsona egokia bilatzen saiatu behar gara", gaineratu du.
Aurten jaiak ospatuko diren ala ez galdetuta, Mayak azpimarratu du horretan lanean ari direla. "Oso optimista nago beste toki batzuetan gertatzen ari dena ikusita", erantsi du. Halaber, gogora ekarri du aurten 100 urte beteko dituela zezen plazak.
"Poztasunen bat merezi dugu bi urteren ostean. Ekonomikoki ere garrantzitsua izango litzateke sanferminak ospatu ahal izatea, kontuak orekatze aldera", bukatu du.
Zure interesekoa izan daiteke
Aurtengo Aste Nagusia azkena izango da Juan Mari Aburtorentzat Bilboko alkate bezala
12 urteko alkatetzak ematen duen perspektibarekin, Aste Nagusiak izan duen bilakaeran herritarren parte-hartzea nabarmendu du. Oraindik badira hobetzeko eta kontuan hartzeko kezka eta erronkak. Ildo horretan, konpartsekin gorabeherak izan arren, uneotan harremana errespetuzkoa dela adierazi du. Festak lehertzeko egun bakarra falta denean, urduritasuna eta emozioa dira nagusi Bilboko alkatearengan.
Txosnak "gune seguruak" izango dira Aste Nagusian erasoak jasaten dituztenentzat
Bilboko Konpartsek egunero txandak antolatuko dituzte erasoa jasan duten pertsonei arreta emateko, leku seguru batera laguntzeko eta, hala eskatuz gero, beste eragile batzuekin harremanetan jartzeko.
Ertzaintzak kontrolak egingo ditu Aste Nagusian, armak eta objektu arriskutsuak dituzten pertsonak sar ez daitezen
Operatibo berezi horren barruan, bideozaintza ezarriko da eraso sexistak prebenitzeko, patinete elektrikoen erabilera kontrolatuko da eta garbiketa-dispositibo bat zabalduko da.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Euria Urzainkiko sutea itzaltzen laguntzen ari da, baina ibilgailuen sarbidea zailtzen du
Baso-pistak ezin dira ibili, lurraren ezegonkortasuna areagotu eta elementuak erortzeko aukera baitago. Horrek arriskua areagotu du, eta bigarren mailako sute-guneak sortzeko probabilitatea handitu du.
Euskadik Hezigiro abiatu du, ikastetxeetan konfort termikoa hobetzeko plana
Hezkuntza Sailak pilotajea jarri du martxan Bizkaiko lau ikastetxetan: Bagatza HLHI (Barakaldo), Luis Briñas-Santutxu BHI (Bilbo), Pagasarribide IPI (Bilbo) eta Indautxu HLHI (Bilbo).
Riglosko sutea "datozen orduetan" kontrolatuko dute
Ostiral honetan, sua kontrolatutzat emateko falta diren gune beroak itzaltzen saiatuko dira, eta Santa Cruz de la Serosko bizilagunak, aterperik gabe zeuden bakarrak, etxera itzuli ahal izango dira.
Bilboko Aste Nagusian galdu ezin diren 5 ekitaldi
Bilboko Aste Nagusiaz gozatzeko bost plan proposatzen dizkizugu. Ez galdu pregoia eta jaiei hasiera emateko txupinaren jaurtiketa, txosnak, lehiaketa gastronomikoak, balearen desfilea eta kontzertuak.
Bilboko Aste Nagusiko lehen kartela, 1978an sortua, egia bihurtuko da igande honetan
Ekitaldia Areatzan egingo da, eta zapi urdinak banatuko dituzte bertan, urte hartan jaien ikur gisa zabaldu baitziren.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.