Adin txikikoen txertaketa erritmoak behera egin du azken asteetan, Euskadin
Euskadin covid-19aren kontrako dosi bakarra jaso dute 5-11 adin tarteko biztanleen % 57,2k. Haurren % 8,3k, ostera, txertaketa amaitu dute jadanik. Guztira, 5-11 adin tarteko 82.925 umek gutxienez dosi bat jaso dute, eta 12.074k txertaketa amaitu dute. Hala ere, umeen txertaketa erritmoak behera egin du azken asteetan Euskal Autonomia Erkidegoan.
Otsailaren 3ko txertaketa txostenaren arabera, 5 eta 11 urteko adin txikikoen % 56,8k dosi bakarra jasoa zuten, eta % 8,2k bi txertoak, lau hamarreneko eta hamarren bateko igoera, hurrenez hurren. Urtarrilaren 31ko txostenean zenbakiak berdin-berdinak izan ziren (% 56,8 eta % 8,2).
Urtarrilaren 27an, haurren % 56,4k dosi bakarra jaso zuten, eta % 8,1ek pauta osoa. Urtarrilaren 24an, % 56k txerto bakarra hartua zuten, eta % 7,9k txertaketa bukatua zuten. Ondorioz, hamarrenetako aldaketak eman dira datuen artean, txostenetik txostenera.
Asteak atzera eginez gero, aldiz, erritmoa bestelakoa zela egiaztatu daiteke; izan ere, urtarrilaren 10ean umeen % 44,1ek dosi bakarra jaso zuten ordurako, eta % 5,5ek biak. Datuen hurrengo eguneratzean, 5 eta 11 urteko haurren artean lehen dosiaren administrazioak 4,5 puntuko igoera izan zuen (% 48,6), eta pauta osoak puntu erdi baino gehiago (% 6,5). Ondorioz, bistakoa da azken asteetan txertaketa erritmoak nabarmen behera egin duela txikienen artean.
Bestalde, 12 urtez gorakoen % 62,2k babesa areagotzeko hirugarren dosia hartu dute dagoeneko EAEn.
Ikusi ondorengo grafikoetan 2020ko abenduaren 27an hasi zen covid-19aren kontrako txertaketa kanpainari buruzko datu guztiak.
*Bialetatik lortutako 11. dosiak barne. Honenbestez, azken hilabeteetan jasotako txertoen % 110 jar daiteke.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.