Bilbok, Gasteizek eta Donostiak oraingoz eutsi egingo diote terrazen ordenantzaren salbuespen egoerari
Bilboko alkate Juan Mari Aburtok adierazi du goiz dela oraindik terrazen ordenantzaren salbuespen egoerarekin bukatzeko. Aburtok nahiago du zuhurtziaz jokatu, eta, erabaki bat hartu aurretik, pandemiaren bilakaera nola doan ikusi.
Covid-19ari aurre egiteko murrizketak bertan behera utzi ostean, EAEko zenbait udalerrik kendu egin dituzte aparkalekuetan jarritako terrazak.
Udalean egindako agerraldian, Bilboko alkateak esan du ostalaritza sektoreko ordezkariekin hitz egiten jarraituko dutela, unean uneko neurriak hartzeko.
"Hilabetea bukatu orduko berriro aztertuko dugu gaia, eta adostasunean oinarritutako erabakia hartuko dugu orduan. Oraingoz, baina, itxaron egin beharko dugu, betiere, denbora baterako terrazak direla jakinda", erantsi du.
Aburtok esandakoarekin bat egin du Donostiako alkate Eneko Goiak ere. Tokiko Gobernu Batzordearen osteko agerraldian, bilkuran jorratutako gai-zerrenda izan du hizpide Goiak. Besteak beste, terrazen ordenantzaren salbuespen egoeraz mintzatu da, kazetariek egindako galderei erantzunez.
"Tentuz jokatzea dagokigula uste dut, urrian gertatu zitzaiguna berriro jazo ez dadin. Orduan, normaltasunera itzultzen ari ginela pentsatu genuen, baina berriro ere aurretik geneukan egoerara bueltatu ginen", nabarmendu du, covid-19aren seigarren olatua gogoan.
"Hori ikusita eta hortik ikasita, zuhurtziaz eta presarik gabe jokatu behar dugu, hau da, tarte pixka bat eman behar diogu neurri horri ere. Benetan ikusten badugu egoerak hobera egin duela, eta normaltasuna nagusitzen bada, orduan itzuliko gara terrazen inguruko ordenantzak esaten duena betetzera", zehaztu du.
Dena den, Goiak argi utzi du oraingoz ez diotela afera horri data jakin bat jarri, alegia, pandemiaren bilakaeraren araberakoa izango dela salbuespen egoeraren luzapena.
Era berean, Gasteizko Udalak egoerari eutsiko diola baieztatu du.
Hala ere, otsailaren 2an EAJ-PSE udal Gobernuak PPrekin araudia aldatzea adostu zuen. Tabernei eta jatetxeei aukera gehiago eskaintzeko terrazen inguruko araudi berria onartzea adostu zuten.
Araudi berriak Udalbatzatik pasa behar du oraindik, eta udaberrian onartu dezakete. Lurzorura lotutako egituren instalazioa, argiztapena eta berogailuak jartzea aurreikusten du arau berriak, eta baimenak lau urtera luzatzen ditu.
Gainera, galtzadan terrazak jarri ahal izateko baldintzak zehazten ditu.
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.