Fiskalak eta akusazio partikularrak frogatutzat eman dute auzipetuak Lasarte-Orian emakume bat bortxatu izana
Fiskalak eta akusazio partikularrak frogatutzat eman dute Gipuzkoako serie-bortxatzaileak, 2015eko urtarrilaren 1ean, Lasarte-Orian ere emakume bat bortxatu izana. Hori horrela, hasiera batean eskatutako kartzela zigorrak berretsi dituzte: 11 urtekoa eskatu zuen fiskalak, eta 12 urtekoa akusazioak. Biek ala biek sexu eraso delitua egotzi diote, eta, esan bezala, frogatutzat eman dute bortxaketa. Horregatik, espetxe zigorra ez ezik, 35.000 euroko kalte ordaina ere eskatu dute biktimarentzat.
Auzipetuak, bestalde, egindakoaz gogoratzen ez dela errepikatu du gaurkoan behin eta berriro, Beasainen egindako bortxaketagatik epaitu zutenean bezala. Fiskalak, baina, argi utzi du erasoek ez ziotela eragotzi eguneroko bizitza egitea. Gainera, adierazi du bortxaketak grabatzen zituela.
Asteazken honetan egin dute epaiketaren hirugarren saioa, eta horrekin bukatutzat eman dute auzia. Gaurko honetan, psikiatra batek ere hartu du hitza. Auzipetua ekintzen jabe zela, baina ekintza horiek eragin zitzaketen ondorioen jakitun ez zela esan du psikiatrak.
Aldiz, fiskalak nabarmendu du ez dela frogatu erasotzaileak alkohola edan edo drogak kontsumitu zituenik, baina argi geratu dela erasoaren egilea dela. Akusazio partikularrak bat egin du fiskalak esandakoarekin: "Bazekien zer egiten ari zen, eta aurretik antolatzen zituen erasoak".
Biktimari eta erasotzaileari egindako DNA probek ere erruduntzat jo dute auzipetua. Dirudienez, kloroformoa erabili zuen biktima loarazteko.
Dozena bat botxaketa egin zituela egiaztatu du Ertzaintzak
Beasainen eta Lasarte-Orian (Gipuzkoa) emakume bana bortxatu izana aitortu duen gizonak beste dozenaka sexu eraso egin zituela garbi du Ertzaintzak, kasu gehienak salatu ez baziren ere. Hala deklaratu zuten asteartean auzia ikertu zuten bi ertzainek, bortxaketaren harira egindako epaiketaren bigarren egunean.
Azaldu zutenez, Gipuzkoako serie-bortxatzaileak hainbat aldiz eraso zien bere biktimetako lauri (horietako bati, 10-12 bider) eta bortxaketak grabatu egin zituen. Are, bideotako bat musikarekin eta testuarekin editatu zuen, eta emakumeetako bati bidali zion. Orain arte ezagutzen ez ziren datuak eman zituzten agenteek beren deklarazioan.
Serie-bortxatzaileak ez du ukatu emakumea bortxatu izana
Azken epaiketan erabilitako estrategiaz baliatu zen asteleheneko saioan ere. Hots, epailearen aurrean ziurtatu zuen ez duela gogoratzen Lasarte-Orian 2015eko urtarrilaren 1ean emakume bat bortxatu izana, alkohola, medikamentuak eta drogak kontsumitu zituelako.
Bere abokatuak egindako galderei soilik erantzun zien akusatuak, eta esan zuen "errudun" sentitzen dela, damututa dagoela eta biktimari barkamena eskatzen diola.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.