'Gaztelueta' kasuko biktimak bide zibiletik eraman ditzake auzitara eskola eta sexu abusuengatik kondenatua
'Gaztelueta' kasuko biktimak bide zibiletik eraman ditzake auzitara Leioako Gaztelueta eskola eta zentro horretako irakaslea, Auzitegi Konstituzionalak horrek jarritako helegitea atzera bota duela jakinda. Auzitegi Gorenak zigortu zuen ikasle bati etengabeko sexu abusuak egiteagatik, biktima adingabea zenean, 2008 eta 2010 artean.
Auzitegi Konstituzionalaren erabakiarekin, itxita gelditu da bide penala. Orain, kalte-ordaina eskatu diezaiokete irakasleari, egotzi zaizkion gertaerengatik, eta eskolari, Kode Zibilean jasotako 'in vigilando' ardura bete ez izanagatik.
"Zure semea eskolan utzi eta hura jasotzean egoera berdinean ez dagoenean, eskolak dauka gertatutakoaren gaineko ardura", azaldu du Juan Cuatrecasasek, biktimaren aitak.
Auzitegi Gorenak 11 urtetik 2 urtera jaitsi zuen irakasleari ezarritako espetxe-zigorra. Izan ere, aintzakotzat hartu zuten ikaslea adingabekoa zela gertakarien unean eta auzipetuak etengabeko abusuak egin zizkiola baina, uste izan zutenez, ez zeuden frogatuta biktimak deskribatutako gertakaririk larrienak.
Ikasleak, orduan, Bizkaiko organo jurisdikzionalari eskatu zion kondenatua berehala espetxeratzeko, baina Bizkaiko Auzitegiak eskaera gaitzetsi zuen, espetxean sartzeko bi urtetik gorakoa izan behar baitu zigorrak, auzipetuak ez badauka aurrekaririk eta ez badago berrerotzeko arriskurik.
Cuatrecasasek adierazi duenez, "ezin dut ulertu sistema batek erabakitzea adingabe bati sexu abusuak egiteagatik bi urteko espetxe-zigorra duen pederasta batek ez duela kartzelan egon behar". Gaineratu du kondenatutako pederasta guztiak jasotzen dituen Barne Ministerioko zerrendan sartu dezaten eskatuko duela; horiek kartzelan sartuko ez badira ere, "behintzat adingabeekin harremanetan egon ez daitezen".
Biktimaren aitak azaldu duenez, "mina edo trauma dakartzan edozein delitu egindako pertsonak dira ordaindu behar dutenak".
'Gaztelueta' kasua bide penaletik garatu zenean, biktimak uko egin zion erreklamazio ekonomikoari, eta orain bide zibiletik ireki zaio aukera hori. "Bide penala itxitzat eman dutelarik, erabateko eskubidea daukagu bide zibilera jotzeko, baina geure abokatuak aukera hori aztertzen ari dira, eta litekeena da aurrera eramatea", esan du biktimaren aitak.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.