11.000 jostailu faltsu inguru eta 147.000 piroteknia artifiziotik gora konfiskatu dituzte Basaurin
Guardia Zibilak 11.000 jostailu faltsu inguru eta 147.000 piroteknia artifiziotik gora konfiskatu ditu Basauriko (Bizkaia) Artunduaga poligonoko bi lokal komertzialetan.
Lehen ikuskatzean, agenteek salmentarako prest zeuden 7.400 inguru faltsututako jostailu topatu dituzte, eta inportatutako 1.700 jostailu, aduanako zergak ordaindu gabe zituztenak.
Gainera, Bizkaiko Komandantziako Arma eta Lehergaien Kontrolerako taldeko kideek F1, F2 eta F3 kategorietako 140.000 piroteknia artifizio topatu dituzte. Era berean, publikoari saltzeko prest zeudenen artean, beste 7.400 piroteknia artifizio topatu dituzte, edukitzeko eta merkaturatzeko baimenik gabe.
Lokaleko arduradunari jabetza industrialaren aurkako delitua egotzi diote, salaketa ipini diote kontrabandoagatik eta beste bi salaketa, Piroteknia Artikuluen eta Kartutxoen Araudiko herritarren segurtasunerako lege organikoa larriki urratu izanagatik, ez zituelako edukitzeko eta merkaturatzeko baimenak. 30.000 eurotik gorako isunak ezarriko dizkiote horregatik.
Konfiskatutako piroteknia baimendutako saltokiek merkaturatu behar zuten. Izan ere, horren arriskugarritasunagatik, ezagutza bereziak behar dituzte saltzaileek, eta saltokiek ere horiek bitegiratzeko segurtasun neurriak izan behar dituzte.
Poligono berean dagoen eta ikuskatu duten bigarren lokaleko biltegian, Bizkaiko Guardia Zibileko agenteek 1.600 jostailutik gora topatu dituzte. Ez zituzten Europar Batasunean merkaturatzeko behar diren muga-zergak ordainduta. Konfiskatu egin zituzten, eta salaketa-akta ezarri saltokiko arduradunari, kontrabandoa egotzita.
Konfiskatutako jostailuek arriskua suposatzen zuten kontsumitzaileentzat, umeentzat bereziki, ez zituztelako arauzko kontrolak jarraitzen eta ez zutelako jostailuen segurtasun araudia betetzen. Gainera, arriskutsuak izan daitezke adingabeen osasun eta segurtasunerako, kalitate urriko materialekin ekoitzita baitaude.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.