Bilboko Elizbarrutia 20 adingaberen aurkako abusuak ikertzen ari da
Bilboko Elizbarrutian osatutako Adingabeen aurkako Abusuen Babeserako eta Prebentziorako Batzordeak 20 adingaberen kontrako sexu-gehiegikerien berri jaso du, eta ikerketa abiatu du. Elizbarrutiko sei apaiz daude ustezko erasotzaileen artean.
Bilboko Elizbarrutiak jakitera eman duenez, gaurko mezetan adingabeen aurkako sexu-gehiegikerien inguruan jasotako salaketen berri eman dute Bizkaiko parrokietan.
Elizak kasuak ikertzeko, biktimei konponketa eskaintzeko eta ardura bere gain hartzeko prestutasuna agertu du agiri batean.
"Guztiaren gainetik, gure egiten dugu gertatutakoaren ardura. Zabaldutako arazo bat izateak ez digu kentzen gizarte osoaren aurrean dugun betebehar morala", azaldu dute.
"Biktimei entzun nahi diegu, ikertu, konpondu, eta, bereziki, abusuak jasan dituztenen sufrimenduak eragindako zauriak sendatu, noiz gertatu zen kontuan izan gabe. Jasandako mina ez baita preskribatzen", gaineratu dute oharrean.
Gertatutakoa argitzeko jarri omen zuten martxan aipatu batzordea 2019an, eta orain arte 20 bat salaketa jaso dituzte.
Batzordea "beharrezko ikerketak" egiten ari da barne mailan, eta, kasu batzuetan, "ikerketen independentzia bermatzeko, kanpoko erakunde espezializatuen laguntza eskatu da".
Izan ere, barne mailan ez ezik, batzordea "instantzia publiko eta judizialetatik iritsitako eskaerei" erantzuten ari omen da.
Carlos Olabarrik, batzordearen zuzendariak, adierazi du "beranduegi" jokatzen ari direla, eta "ezkutatu, estali eta beste aldera begiratu" izan dutela.
Zure interesekoa izan daiteke
Amaya Zabarteren senarrak uste du Zupiriak ez duela auziari buruz "ezer argitara emango"
Bestalde, jakinarazi du Reala-PSG partidaren atarian Ertzaintzak egindako kargekin lotuta, hirugarren salaketa bat aurkeztuko duela beste pertsona batek.
Euskararen aitortza eta baliabideak eskatu dituzte Baionako Euskal Museoaren aurrean
Baionako Museoan ikusgai den Bernat Etxepareren "Linguae Vasconum primitiae" euskaraz inprimatutako lehen liburua, Parisera itzuliko dute bi hilabete pasatuta. Bere lekua hemen dagoela aldarrikatzearekin batera, euskararentzat aitortza eta baliabideak eskatu dituzte gaur Euskalgintzaren Kontseiluak eta Euskal Konfederazioak. Halaber, abenduaren 27an Bilbon izango den euskararen aldeko ekitaldian parte hartzeko deia egin dute.
Terapiako txakurrek "segurtasuna eta konfiantza" ematen diete sexu-abusuak jasan dituzten adingabeei
Hamar urte dira Bizkaian sexu-abusuen biktima izan diren adingabeek txakurrekin terapia egiteko aukera daukatela. Urtetik urtera, gainera, emaitza hobeak ematen dituela diote adituek. Hala, Euskadin lehen aldiz, epaile batek baimendu du biktima adingabe batek txakur horietako bat alboan zuela deklaratu ahal izatea.
Gizon bat atxilotu dute Angelun bikotekide ohia hiltzen saiatzeagatik
Atxilotuak igandean harrapatu zituen bere ibilgailuarekin emakumea eta haren anaia. Biktimak Baionako ospitalera eraman zituzten.
Ertzaintzak protokoloa bete zuen ikertzeko eskatu du Xuhar Pazosen defentsak
Halaber, lekuko gehiago deitzea galdegin du defentsak, 2024ko otsailean Tolosan izandako gertakarietan gertatutakoa behar bezala argitu dadin.
Plentzian jazarpena salatu duen irakaslearen kasua dela eta, protokoloak aktibatu berri ditu Hezkuntza Sailak
Eusko Jaurlaritzako Hezkuntza Politiketako sailburuordeak adierazi duenez, orain arte ikastetxeak berak kudeatu ditu irakasleak aurreko urteetan ere salatutako jazarpen egoerak. Azken gertakarietan ustez inplikatuta dauden ikasleak 12 eta 13 urte bitartekoak direla baieztatu du, eta, beraz, hartu beharreko neurriek "heziketa mailakoak" izan behar dutela. EH Bilduk azalpenak eskatuko dizkio Hezkuntza Sailari, "hartu beharreko mekanismoek" huts egin ote duten jakiteko.
Gidari bat hil da N-104 errepidean, Gasteizen, bi ibilgailuk aurrez aurre talka eginda
Eguna bereziki zaila izaten ari da EAEko errepideetan, euria eta hainbat lekutan izandako istripuak direla eta.
Indarkeria matxista eta hori eusten duten sareak salatuko ditu Euskal Herriko Mugimendu Feministak azaroaren 25ean
Elkarte feministak ari dira emakumeen aurkako indarkeria ezabatzeko nazioarteko eguneko mobilizazioak prestatzen. Euskal Herriko Mugimendu Feministak manifestazioak deitu ditu Hego Euskal Herriko hiriburuetan 19:00etan eta Baionan 18:30ean.
Askabide klinikako gerenteak salatu du presioa etengabea zela: "Errezoak erabiltzen dituzte, astakeriak esateko"
Fiskaltzaren arabera, abortatzera joandako andreak eta klinikako langileak jazartzen zituzten, protesten bidez. Akusatuek, berriz, defendatu dute adierazpen askatasunaren barruan kokatzen direla euren ekintzak.
Uribe Kostako ikasleek babesa eman diote jazarpena jasan duen irakasleari, eta ikasketa-bidaiaren betoari irtenbidea emateko eskatu dute
Uribe Kosta institutuko DBHko 4. mailako ikasleek elkarretaratzea egin dute, ikasketa-bidaia bertan behera uztearen aurka protesta egiteko. Izan ere, ikastetxeak eskolaz kanpoko jarduera guztiak bertan behera utzi ditu, Adingabeen Fiskaltzaren aurrean salatu duten irakasle baten aurkako etengabeko jazarpenagatik.