Gasteizko hilketa bikoitzaren egileak basakeriaz jokatu zuela berretsi dute herri akusazioak eta partikularrak
2018an Gasteizen emazte eta amaginarreba ohiak hiltzeagatik auzipetutako gizonak epaiketaren lehen saioan esan du "burua pixka bat joan zitzaiola, labana atera zuela eta gertatu behar ez zena gertatu zela". Arabako Lurralde Auzitegian ari dira epaitzen gizon hori. Fiskaltzak 50 urteko espetxe zigorra eskatu du harentzat, bi hilketa delitu egotzita. Gainera, ahaidetasunaren eta generoraren larrigarriak ezarri dizkio.
Herri akusazio gisa aurkeztu den Clara Campoamor elkarteak, berriz, 60 urteko zigorra eskatu du, bi delituetan basakeriaren larrigarria gehituta. Biktimaren familiaren abokatuak, bestalde, 55 urteko kartzela galdegin du. Honek ere basakeriaren larrigarria gehitu dio zigorrari. 8 urtera jaitsi nahi du zigorra, aldiz, auzipetuaren defentsak, zeinak bi delitu leporatzen dizkion, baina aldi bateko buruko gaixotasunaren aringarria ezarrita.
Epaiketaren lehen saio honetan, abokatuaren galderei soilik erantzun die akusatuak. 2017an banandu ostean, seme-alaben pentsioagatik emazte ohiarekin ika-mika izan zuela esan du auzipetuak, eta horrek depresioa eragin ziola. Ondorioz, bajan egon zela eta bere buruaz beste egiten saiatu zela ere adierazi du.
Esandakoaren arabera, gauza batzuen bila joan zen bikote ohiaren etxera hilketa gertatu zen egunean. Han, eskaileran, emazte ohiarekin eta haren amarekin sesioa izan zuen, "bultza egin zidaten eta lanera beti eramaten dudan labana atera nien". Depresioagatik bajan egon arren, labana gainean zeramala aitortu du, bere buruari min egiteko asmoz zebilela arrazoituta.
Nolahai ere, Fiskaltzaren idatziak jaso duenez, auzipetuak ezin izan zuen jasan emazteak harremana hautsi izana, ezta amaginarreba bere alde agertu ez izana ere.
Hori dela eta, bi emakumeak hiltzea erabaki zuen. Fiskaltzak gaurkoan aurreratu du epaiketan zehar frogatu egingo duela genero arrazoiengatik hil zituela biak, eta jakin bazekiela zer egiten ari zen. Gertaera "mingarri" horren ostean biktimen familiak lurra jo zuela ere nabarmendu du.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.