Euskararen arnasguneetan behera egin du erabilerak
Euskararen erabilerak behera egin du euskara gehien erabiltzen den tokietan, hau da, arnasguneetan, Udalerri Euskaldunen Mankomunitateak (Uema) egindako ikerketa baten arabera.
Oro har, Uema osatzen duten 87 herrietako eta Tolosaldeko beste seitako kaleetan erabilerari eutsi diote. 10 pertsonatik 6 kalean euskaraz aritzen dira; 10etik 4, beraz, gaztelaniaz, eta % 2, beste hizkuntza batzuetan.
Erabilera maila altuena duten guneetan, baina, behera egin du. Uemak hiru maila bereizten ditu euskal hiztunen portzentajearen arabera: euskaldunak % 90etik gora direnean, % 80-90 direnean eta % 60-80 direnean.
Lau urteko epean, 2017tik hona, % 86tik % 83ra jaitsi da kaleko erabilera udalerri euskaldunenetan. Bigarren mailan dauden herrietan ere, 3 puntuko jaitsiera izan da: % 82tik 2017an % 79ra orain. Hirugarrenean, hau da, euskal hiztun proportzio txikiena duten udalerrietan, ordea, apur bat igo da erabilera: % 53tik % 55era.
Adin tarteei erreparatuta, euskararen erabileran atzera egin dute nerabeek eta gazteek (15-24 urte). Haurrek eta heldu gazteek (25-64), ordea, orain dela lau urte baino joera handiagoa dute euskaraz aritzeko. Edozein kasutan, 2017tik hona aldeak ez dira oso handiak; gehienez, puntu batekoak.
Uemak azaldu duenez, euskaldun dentsitateak zerikusi zuzena du erabileran. Gero eta euskaldun gehiago badaude, erabilera handiagoa izango da. Aritz Abaroa Uemako presidentearen hitzetan, "euskaldunen dentsitatea eta trinkotasuna oso garrantzitsuak dira euskara erabiltzeko, eta hori da, hain justu, udalerri euskaldunek euskararen normalizazioan jokatzen duten rol garrantzitsuenetako bat". Edozein kasutan, dentsitate handieneko eremuetan ere arriskuak daudela ohartarazi du. "Bilakaera negatiboa izaten ari dira eremu horiek", esan du.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.