Hezkuntzako akordioa "herri proiektu" baterako lehenengo pausoa dela nabarmendu du Bildarratzek
Jokin Bildarratz Hezkuntza sailburuak Eusko Legebiltzarreko talde gehienen artean lortutako akordioa hurrengo Hezkuntza Legerako "lehenengo pausoa" izatea eta, batez ere, "gure gazteen etorkizunerako" urratsak eta irizpideak ezarriko dituen "herri proiektu bat" izatea nahi du. "Eskertzekoak dira guztiok izan ditugun eskuzabaltasuna eta etorkizun-sena, eta guztion arteko akordiorako amore eman ahal izatea", esan du.
Estoniako eta Finlandiako Hezkuntza sistemak ezagutzen ari da sailburua, bertatik bertara, eta Eskandinaviako herrialdetik Radio Euskadin egin dioten elkarrizketa batean, bertako ikastetxeek langileak kontratatzeko duten "autonomia handia" eta irakasleen profila eta formakuntza azpimarratu ditu.
Bildarratzek azaldu duenez, Finlandian Hezkuntza ikasi nahi dutenen artean soilik % 10k lortzen dute fakultatetan sartzea, eta Estonian ibilbide profesional osoan zehar formakuntza jasotzen dute irakasleek, horretarako soldataren % 2 bideratuta. Sailburuak udalen papera ere nabarmendu du, horretarako eskuduntzak dituzte eta.
EAJk, EH Bilduk, PSE-EEk eta Elkarrekin Podemos-IUk hitzartutako akordioan segregazioaren kontrako borroka dago. Bildarratzen arabera, "datorren urterako segregazioaren kontrako eta ekitatearen aldeko oinarrizko dokumentu bat izango dugu", horren gainean ez bakarrik eskoletan, baizik eta esparru guztietan", lan egiteko.
Ikasleen zaurgarritasunaz, baliabide ekonomikoen faltagatik zein beharrizan desberdinengatik, "ikastetxe guztiak arduratuko dira, publiko zein itunpeko izan". "Euskal Hezkuntza Sistemak modu berean erantzungo die zaurgarritasunei", esan du.
Azkenik, Hezkuntzako sindikatuek bertan behera utzi duten greba deialdiari dagokionez, Bildarratzek "lasaitasuna, lankidetza eta elkarrizketa" eskatu ditu.
Zure interesekoa izan daiteke
Gizon bat atxilotu dute Malagako etxebizitza batean bikotekide ohia hiltzea egotzita
Rincon de la Victoria udalerriko bizilagunek liskar bat izan dela ohartarazi dute 10:20 aldera. Agenteak bertaratu direnean, hilda topatu dute 60 urteko emakumea, indarkeria zantzuak zituela.
Familia eta lagun asko Urkiolara gerturatu dira, sasoiko lehen elurteaz gozatzeko asmoz
Eguzkiak giroa zertxobait berotu du, baina tenperatura baxuekin esnatu gara larunbat honetan ere. Inork ez du galdu nahi izan zuriz jantzitako paisaia ikusteko aukera.
Labrazako kontzejuak eta plataforma ekologistek Labrazako zentral eolikoa gelditzeko eskatu dute
Labrazako Kontzejuak eta Arabako Errioxa Bizirik, Arabako Mendiak Aske eta Araba Bizirik plataformek herrian aurreikusitako zentral eolikoaren proiektua berehala gelditzeko eskatu dute, EAEko Auzitegi Nagusiak proiektuaren aurka aurkeztutako errekurtsoak ebatzi arte. Gainera, Labrazan abenduaren 13an egingo den elkartasun jardunaldira gonbidatu dituzte herritarrak.
Aita santuak Cadizko gotzainaren dimisioa onartu du, sexu-abusuen ikerketaren berri zabaldu eta gutxira
Zornozak duela 15 hilabete aurkeztu zuen uko egitea, erretiro adina bete zuenean, baina orain jaso du erantzuna, pederastia akusazioa filtratu ostean.
Lekeition pisu turistiko bat okupatu zuen familiak etxea utzi du
Hiru egunerako alokatu ostean, hilabete eman dute bertan bizitzen, aterpea lortu duten arte. Jabeek salatu dute kalteak eragin dituztela.
Hilda aurkitu dute Urbiako zelaietan bilatzen ari ziren artzaina
EITBk jakin duenez, txakurrak berak markatu die erreskatatzaileei artzaina non zegoen. Gorpua elurpean zegoen.
Larunbat honetan ekin diete berriro Aizkorri mendian desagertutako artzaina bilatzeko lanei
77 urteko artzainaren txakurra eta artaldea ostiralean aurkitu zituzten, baina ez dago artzainaren arrastorik.
Basauriko eskola-menu batean zizare bat agertu dela salatu dute
Basozelai Gaztelu ikastetxeko Guraso Elkarteak eskola-jantokien eredu berri bat eskatu du, egungo menuak "kalitate eta kantitate eskasekoak" direla iritzita.
GazteChange ekimenak haurren eta nerabeen eskubideak babestearen garrantzia ikusaraziko du gaur arratsaldean Bilbon
Guggenheim Bilbao Museoko auditorioan egingo da topaketa honen zazpigarren edizioa, UNICEF Euskadiko Batzordeak eta Lagunarte elkarteak antolatuta, eta streaming bidez jarraitu ahal izango da eitb.eus-en.
Elurrak Sakana estali du eta zirkulazioa zailtzen du A-10 autobidean
Elurra goizean goiz hasi du Sakanan eta errepideak zuriz estali ditu. A-10 autobidea itxi behar izan dute, Iruñerako noranzkoan, istripua izan duen kamioi baten eraginez.