Aro berri bat abiatu da Euskadin, koronabirusaren kontrolean
Eusko Jaurlaritzak astelehen honetan berrituko ditu covid-19a kontrolatzeko irizpideak, pandemiaren jarraipena talde zaurgarrietako pertsonengan zentratuko delarik. Hala, aurrerantzean kasu arinak eta asintomatikoak ez dituzte bakartuko, eta harreman estuek ez dute koarentenarik egingo.
Covid-19aren aurrean Zaintza eta Kontrol Estrategia berria jarraituko dute aurrerantzean, esparru zaurgarrietan, osasun zentroetan adibidez, "isolamendu eta kontrol neurri bereziak martxan jartzeko". Gainera, diagnostiko probak egiteko argibideak aldatuko dira; izan ere, orain arrisku faktoreak dituzten pertsona zaurgarriei (60 urtetik gorakoak, immunoeskasia dutenak eta haurdunak), esparru zaurgarrietan eta kasu larrietan egingo dituzte.
Felix Zubia Donostia Ospitaleko ZIUko buruak prozedura berria izan du hizpide igande honetan, Euskadi Irratian. Ontzat eman ditu irizpide berriak, eta "noizbait" hasi behar dutela uste du, betiere ondorengo egoera ondo neurtuta.
"Orain arte gaitza aurreikustea oso zaila izan da, eta orokorrean ez da asmatu", adierazi du Zubiak. Hori dela eta, uste du egokiena dela neurriak arintzea "eta gero zer gertatzen den ikustea". Horren aburuz, "egia da noiz edo noiz hasi beharra dagoela, baina neurtu beharko da, eta intzidentzia behatu".
Bestalde, zenbait adituk aste honetan ETB1eko "Gaur Egun" albistegian adierazi dutenez, "goizegi" da oraindik pandemia fase endemikoan sartu dela esateko. Itziar Ubillos epidemiologoaren eta Miren Basaras EHUko Mikrobiologia irakaslearen aburuz, "kasu positiboak ezkutatzeak ez du baimenduko birusaren irudi erreala ikustea".
Egun, adituek zaintza endemiko batera igarotzeko egoki jotzen duten intzidentzia metatua 10 aldiz gainditu dugu. Bitartean, arretaz jarraitzen ari dira Txinako omikron aldaera berria.
Eusko Jaurlaritzak zuhurtziaz jokatzeko eskatu du, covid-19a "ez baita oraindik amaitu", eta jakinarazi du martxoaren 28an euskadi.eus webguneko koronabirusari buruzko "Nola jokatzen dut?" atala berrituko duela, herritarrek egoera zehatzetan nola jokatu behar duten jakin dezaten.
Albiste gehiago gizartea
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.
Bidaiari bat atxilotu dute Loiun, kontrabandoagatik
Atxilotuak 2.550 tabako-pakete zeramatzan fakturatutako ekipajean.
Uztailaren 7an zezenketen aurkako kalejiran parte hartzeko gonbita egin die Iruñea Antitaurina taldeak herritarrei
Txupinazo egunean Udaletxe Plazatik abiatuko den kalejiraren aurkezpena egin du elkarteak astelehen honetan, Iruñean. "Animaliei tratu txarrak ematea" festaren parte izatearen kontra agertu da taldea, eta "herritar gehienak zezenketen aurka" daudela gaineratu du.
Pablo Ibarren senideak "itxaropentsu, baina zuhur", agertu baita Floridako krimenak nork egin zituen dakien lekukoa
Pablo Ibarren senideak "itxaropentsu, baina zuhur" daude, Floridako krimenen benetako egileak ezagutzen dituen lekuko bat agertu berritan.