Osakidetzak depresio handia detektatzeko baheketak egingo ditu nerabeen artean
Eusko Jaurlaritzaren Osasun Sailak Lehen Arretako Pediatria zerbitzuek oinarri bezala erabiltzen duten haurren osasun programa eguneratu du. Berritasun nagusien artean 12 urteko nerabeen artean depresio handia atzemateko baheketa dago.
Gotzone Sagardui sailburuak azaldu duenez, programa berria "hobekuntza garrantzitsuak" ekarriko ditu arretan, 14 urterainoko adingabeen artean osasun arazoak ekiditeko edo garaiz atzemateko helburuarekin.
Programa ez da zerotik hasiko, eguneraketa bat baita. Osasun zentroen arteko "arretaren aldakortasuna" murriztuko du, irizpide berberekin arituko baitira. Sailburuak Lehen Arreta eta Pediatria taldeak jarri ditu programaren "oinarri" eta "aliatu" bezala.
Lau baheketa berri
Berritasunen artean zenbait gaixotasun ekiditeko eta atzemateko egingo dituzten baheketa berriak daude. Batetik, 12 urteko nerabeen artean baheketa egingo dute depresio handia atzemateko, sendien eta inguruaren ezagutzan oinarrituta. Bestetik, hipertentsio arterialaren baheketa ere modu unibertsalean egingo dute.
Arrisku faktoreak dituzten adingabeen kasuan, gaixotasun zeliakoa (3, 6, 10 eta 13 urterekin) eta hiperkolesterolemia (10 urterekin) atzemateko baheketak egingo dira.
Gainera, programa berriak bronkiolitisaren ibilbidea garatuko du, prebentzioa hobetzeko. Izan ere, haurtxoen ospitaleratzeen lehen kausa da azaro eta urtarril artean. Ibilbide hori "aitzindaria" da Estatuan, eta "erreferentziazkoa" nazioarte mailan.
Lehen bisita pediatrikoa haurra jaio baino lehen egingo da, Familia eta Pediatria taldeen arteko lotura lehenbailehen garatzeko.
Era berean, bisiten egutegi berria ezarriko du programak, eta jarduera berriak aintzat hartuko ditu. Paziente bakoitzaren historia klinikoaren erregistroa "hobetu" egingo du programak, eta osasun karpeta haurra jaiotzen denetik aurrera erabiliko da.
Sagarduiren hitzetan, helburuak prebentzioa eta familiak orientatzea, laguntzea eta ahalduntzea dira.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.