Kote Cabezudo zigortzeko "ebidentzia nahikoa" dagoela uste du fiskalak
Jorge Bermudez Kote Cabezudo auziko fiskalaren ustez, Kote Cabezudo argazkilari donostiarraren aurkako epaiketan "era guztietako ebidentzia argiak" daude auzipetua zigortzeko. Hala, orain arte esandakoa berretsi du: material pornografikoa osatu zuela akusatuak, eta ez erotikoa, eta irudi esplizitu horiek egiteko ez zuela modeloen baimenik izan. Are gehiago, modeloen material hori erabili zuela, sexu gehiegikeriak egiteko.
Bermudezek adierazi duenez, argazkilariak erabiltzen zuen "patroia" bera zen kasu guztietan; izan ere, auzipetuak "pixkanaka-pixkanaka" espiral moduko batean sartzen zituen neskak. Hasiera batean argazkiak ez ziren oso esplizituak izaten, baina argazki-sesio gehiago egin ahala, horiek gero eta esplizituagoak izaten ziren.
Hala, fiskalararen arabera, aurrez grabatuta zituen bideoak erakustearekin presio egin zien Cabezudok emakumeei, sexu-harremanak behartzeko. Horrek eraman zuen, modeloetako bat, heroina kontsumora. Beste askoren kasuan, ondorio psikologikoak utzi dituela gogoratu du fiskalak. 250 urteko espetxe zigorrari eutsi dio.
"Gutxitan aurkituko dugu horrelako froga-bilduma handirik, eta, aitzitik, gutxitan izango dugu gure aurrean akusatuaren aldetik hain funtsik gabeko defentsa", azpimarratu du fiskalak.
Defensaren eskaria aintzat hartuz, astebetez etenda izan da Cabezudoren aurkako epaiketa. Argazkilariaren abokatuek denbora gehiago eskatu zuten, auzia hobeto prestatzeko; izan ere, Fiskalak bere kalifikazioa aldatu eta espetxe zigor eskaera handitu du, frogatutzat eman baita gutxienez 8 bortxaketa egin zituela, leporatzen dizkioten gainerako delituez gain. Hori dela medio, defentsak estrategia moldatu nahi zuen. Epea amaituta, baina, Cabezudo errugabea dela berretsi du defentsak, eta hasierako txostena bere horretan utzi du.
Bihar aurkeztuko ditu azken ondorioak akusazio partikularrak baina aurreratu du ia 2.700 urteko kartzelaratzea eskatuko duela. Ezustekorik ez bada, asteazkenean hartuko du hitza Kote Cabezudok berak. Gogoratu bere aurkako salaketa guztiak ukatu dituela honek.
Aste honetan epaiaren zai geldituko da argazkilari donostiarraren aurkako auzia. Gogoratu 16 emakumeri ustez egin zizkion sexu gehiegikeria eta iruzur delituak argitzeko epaitu dutela.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.