Aste Santuko eguraldia: oro har, egonkor eta ia prezipitaziorik gabe
Aste Santua giro aldakorrarekin abiatuko bada ere, eguraldiak egonkortzera egingo du eta giro eguzkitsu eta epela nagusitzen joango da, EITB Mediako Meteorologia sailak eta Euskalmet Euskal Meteorologia Agentziak jaiegun horietarako prestatutako iragarpenaren arabera.
Asteazkena Evelyn depresioaren hondarren eraginpean izango da oraindik, eta giro fresko eta aldakorra izango dugu nagusi. Zenbaitetan, urdingune zabalak izango dira, eta beste batzuetan, hodeiguneek hartuko dute zerua, han-hemenka zaparradak utzita. Haizea suabe ibiliko da, ipar ukituarekin; arratsaldean indartu egingo da. Tenperatura maximoak 15 ºC ingurukoak izango dira lurraldearen hegoaldean, eta hortik gora (17-18 ºC), isurialde atlantikoan.
Aro aldarkor horrek segida izango du ostegunean ere. Lurraldearen ekialdean hodei gehiago pilatuko dira, eta euri apur bat egin dezake, prezipitazio horiek aipagarriak izango ez diren arren. Mendebaldean, aldiz, eguraldi argiagoa edukiko dute. Haizeak mendebalde eta ipar-ekialdetik joko du, eta tenperaturetan ez da aldaketarik espero. Hala, 18 ºC ingurukoak izango dira lurraldearen zati handi batean, eta 16 ºC-ren bueltakoak, barnealdean.
Ostiraletik aurrera, giro egonkorragoa espero dugu, goi presioen eraginean izango baikara. Eguzki tarteak handiagoak izango dira, zeruan goi eta erdi mailako hodeiak egongo badira ere. Ekialdean tantaren bat edo beste bota dezake, bereziki goizean. Tenperatura maximoek gora egin dute apur bat eta termometroak 20-21 ºC-ren bueltan errendituko dira isurialde atlantikoan, eta 16-18 gradutan, barnealdean.
Eguraldi egonkor eta lehorrak segida izango du asteburuan eta Pazko Astelehenean. Tenperatura aldetik ere, epeletik jarraituko du. Dena dela, kontuan izan iragarpenek fidagarritasuna galtzen dutela egunek aurrera egin ahala, hortaz, komeni da egunean egunean eguraldi aurreikuspena begiratzea.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.