Armagintzaren aurkako bizikleta martxa batek Bizkaia zeharkatu du
Gerra, Gastu eta Industria militarraren aurkako 14. Bizi Martxak Bizkaiko zenbait udalerri zeharkatu ditu larunbat honetan, "gastu militarra eta armen trafikoa amaitzea" eta "euskal enpresen ekoizpen militarra zibil bilakatzea" aldarrikatzeko.
Bizkaiko Foru Aldundiaren Jauregirik abiatu da martxa 11:00etan, Bilbon, zenbait talde antimilitarista, ekologista eta internazionalistak bultzatuta. Ibilbidean zehar, parte hartzaileak Barakaldoko ITP Aero enpresaren lantoki aurrean elkartu dira eta, Portugaletera iritsi eta Zubi Esekia gurutzatu ondoren, Getxoko Sener enpresa aurrean amaitu dute.
"Erakundeek euskal arma enpresekin duten konpromiso gorakorra eta militarismoari bideratutako baliabideen areagotzea" kritikatu dituzte deitzaileek, uneko errealitatearen aurrean. Hala, "osasungintzan, pentsioetan, berdintasun politiketan, gizarte zerbitzuetan edota etxebizitza duin baterako sarbidean" egindako murrizketak aipatu dituzte, "bizitzaren kostuak gora egin duen eta familien biziraupen baldintzak larritu egin diren testuinguru batean".
Zentzu horretan, "gerraren negozioan erakundeen konplizitatearen adibide" jo dute Espainiako Gobernuak gastu militarrerako iragarri dituen "6.500 milioi euroak, aurtengo gehikuntza 22.000 milioi eurotik gorakoa zenean". Gainera, salatu dutenez, "Pedro Sanchezen Gobernuak 10.000 milioi euro bideratzea erabaki du ehiza hegazkinetarako, misiletarako, itsaspekoetarako eta gerra ontzietarako".
Era berean, ohartarazi dute Eusko Jaurlaritza ere ez dela "alde batera gelditu". Izan ere, nabarmendu dutenez, "100 milioi euro inguruko diru laguntza ematen dio sektore aeronautikoarekin lotutako industria militarrari, bereziki".
Ekimena antolatu duten erakundeek azpimarratu dutenez, "Euskadik 750 milioi euro fakturatzen ditu material militarra ekoiztearen truke; Estatu osoan gehien fakturatzen duen autonomia erkidegoa izanik, Madril eta Andaluziaren atzetik".
Bestalde, adierazi dute "ehunka enpresak" parte hartzen dutela euskal industria militarrean, eta "euren ekoizpenaren % 80" saltzen dietela zenbait herrialdetako Defentsa Ministerioei eta Indar Armatuei (Maroko, Arabia Saudi, Estatu Batuak, Mexiko, Brasil edo Espainia, kasu), "150 milioi euro inguruko mozkinak lortzen dituztelarik".
Martxa honen bitartez, "ekoizpen militarra zibil bilakatzeko" eskatu dute, "Orbeak iragan hurbilean egin bezala". Hala, "pistolak, errebolberrak eta bizitza ugari hondatu dituen arma mota ororen" ekoizpenetik bizikleten ekoizpenera igarotzea da asmoa, "bizitzeko era osasungarria" eta "ingurumenarekin lagunkoia" bultzatuz.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.