Herri Urrats inoiz baino indartsuago itzuli da
Herri Urrats bueltan da berriro. Senpereko (Lapurdi) lakuan jende andana elkartu da igande honetan, hezkuntzaren eta euskararen alde egiteko. Itzulera da, hain zuzen ere, 39. edizio honen leloa. Pandemiaren eraginez bi urtez ezohiko urratsak eman dituzte; aurten, baina, eraberriturik ekin die Seaskak igandeko zita antolatzeko lanei.
Ez da ekitaldirik gabeko txokorik izango, eta zazpi gunetan banatu dute lakuko buelta guztia. Zehazki, lau gune nagusitan izango dira emanaldiak: Nafarroa, Araba, Gipuzkoa eta Lapurdi guneetan.
Nafarroa guneko eszenatokia Lizeoko ikaslez osatutako Laparrak taldeak inauguratuko du goizean. Gero, Aho zakil Konekxion eta Aguxtin Alkhaten txanda izango da. Eguerditik aurrera, hainbat musika talde izango dira bertan: Skakeitan taldeak bere birari emango dio hasiera Herri Urratsen (14:00); Des-kontrol izango da ostean, bere 25. urteurrena ospatzeko aitzakiarekin (15:45); Willis Drummond ere bertan izango da (17:30); eta Dupla bikoteak itxiko du eguna Nafarroa guneko azken kontzertuarekin (19:00).
Araba txokoan, musikak eta erromeriak poztuko dute eguna. Talde hauek arituko dira bertan egunean zehar emanaldiak eskaintzen: Pauline eta Juliette, Mutxikoak, Kilimak, Albosax, Xiberoots, Astobaba eta Trikidantz erromeria taldea. Kontzertuak 10:00etan hasi eta 20:00etan amaituko dira.
Gipuzkoa gunearen berezitasuna dantza izango da. Estitxu Robles kolegioko gazteek emango diote hasiera egunari. Ondoren, Kautere balet, Herri Urrats Kantuz, Wazza Panda Family eta Topa Nokaren txanda izango da. Dantza erakustaldiekin amaituz, Kimua Dantza Kolektiboak GenEroa lana aurkeztuko dute. Dantzaz gain, Tristan Murgi abeslariak eta ZEZE taldeak emango diote bukaera Gipuzkoa guneko programazioari.
Goiz aldean, Lapurdi gunean Artxeroak eta hainbat bertsolari arituko dira Herri Urrats girotzen. Eguerdi aldean, bazkaria alaituko dute Natek eta Watsonek.
Bosgarren kolegioa irekitzeko asmoz
Ipar Euskal Herriko ikastolen federazioak bere ikasleak omendu nahi ditu aurten, azken ikasturteak zailak izan baitira. Horrela, Herri Urratsek helburu "ekonomiko" zein "sozialak" lortzea du asmo, Ihintza Bidart koordinatzailearen arabera: "Euskararen eta ikastolen festa ospatzeko beharra dugu. Behar den bezala itzultzeko, elkartzeko".
Azken urteetako ikasle kopuruaren hazkundea tarteko, aurtengo edizioaren irabaziak Senperen bertan bosgarren kolegio bat irekitzeko baliatuko dituzte. 11 eta 14 urte arteko 250 ikasle inguru izango ditu, eta 2023rako irekitzea espero dute. Seaskaren ekimenez, 38 ikastola, lau kolegio eta lizeo bat ireki dituzte jada.
Aldarrikapenak egiteko tarterik ere egongo da, Seaskako zuzendari Peio Jorajuriak azaldu duenez: "Erakutsi nahi dugu milaka garela euskara ospatzen eta euskaraz bizi nahi dugunak, eta, horretarako, neurriak nahi ditugunak". Azken urteetan, azterketak euskaraz egiteko eskubidearen aldeko aldarriak entzute handia jaso du.
Aurtengo abestia
Herri Urrats ez litzateke berbera izango abestirik gabe. Aurten, ZETAK taldea eta Erramun Martikorena elkarlanean aritu dira "Itzulera" abestia sortzeko. Pello Reparazen esanetan, abestiak "sekretu bat" badu, Martikorenaren "ausardia" da: "Bera moldatu zen ZETAKen unibertsora; berak du meritua".
Albiste gehiago gizartea
Zarauzko hilketa matxistaren ustezko egilea epailearen esku utzi dute
Eusko Jaurlaritzako Segurtasun Sailak atzo adierazi zuenez, ustezko hiltzaileak "polizia aurrekariak ditu genero indarkeriarekin lotuta".
Karguekin aske geratu da Bilbon gaixorik zegoen ama zabor artean giltzapetu zuen gizona
Emakumea "higiene baldintza negargarriak" zituen etxebizitza batean zegoen giltzapetuta.
Euskadik bularreko minbiziaren baheketa aurreratu eta biziraupena % 88ra igo du
Osasun arloko agintariek prebentzioaren eta ikerketaren garrantzia azpimarratu dute, gaitzaren eragina murrizteko funtsezko tresna gisa.
Elgeako mendilerroan piztutako sutea kontrolatzeko lanean ari dira suhiltzaileak
Haizeak Arriola eta Narbaxa artean zabaldu ditu sugarrak. Arabako, Bizkaiko eta Gipuzkoako suhiltzaileak ari dira bertan lanean. Sutea gaur goizean bertan itzaltzea espero du Arabako Aldundiak.
Palestinan "kolonialismoa eta okupazioa" behin betiko amaitzeko eskatu dute milaka pertsonak Iruñean
Yala Nafarroa talde deitzaileak zalantzan jarri ditu egungo su-etenaren "eraginkortasuna eta justizia", baita Israelen eta Hamasen artean AEBen bitartekaritzarekin ezarri berri den bake planaren baldintzak ere, "Israelen zigorgabetasuna" dela eta.
Itsasadarraren azpiko tunelaren proiektua gelditzea eskatu dute Bilbon, "ekozida eta antisoziala" dela arrazoituta
"Kontraesanean jartzen ditu euskal erakundeek hartutako konpromiso klimatiko guztiak, eta tunel horrek zor ekologikoa utziko die etorkizuneko belaunaldiei, CO2 isuriak handitu eta ingurune naturala andeatzen duelako", ziurtatu dute.
Emakume bat ikertzen ari dira Bilbon, bere umea abandonatu zuelakoan
Ikerketapean diren gertakariak ostiraleko 22:30 aldera izan ziren, Santutxu auzoan, eta gizarte-langile batek hartu zuen haurraren ardura. Bilboko Udalaren zaintzapean dago oraingoz.
Honela jarri dute Villabona eta Irura lotuko dituen bizikletentzako pasabidea
Gipuzkoako Foru Aldundiko Jasangarritasun Departamentuak instalatu du jada Villabona eta Irura lotuko dituen metalezko pasabidea, N-1 errepidearen parean joango den bizikletentzako bidearen proiektuaren barruan. Egitura 28,25 metro luze eta 3,9 metro zabal da, eta 15 tona inguruko pisua du.
Eskola segregazioaren aurkako manifestazioa deitu dute azaroaren 29rako, Bilbon
Euskal Eskola Publikoaz Harro Topaguneak eskola publikoaren aldeko apustua egiteko eskatu dio Eusko Jaurlaritzari. Ordizian egin dute agerraldia, eskola segregazioaren arazoaren erakusgarri den herrian, plataformaren arabera.
Kolektibo horretako askok sexualitateari buruzko aurreiritziei egin behar diete aurre bizitzaren azken etapan
EITBren babesa duen "Maspalomas" filmak adinekoen egoitzei eta LGTBI kolektiboari buruzko eztabaida jarri du mahai gainean. Izan ere, kolektibo horretako pertsona asko arrotz sentitzen dira bizitzaren azken etapan beren sexualitatea ezkutatu behar dutelako.