Berriztagarrien "oligopolioekin" bukatzeko eskatu dute Iruñean, eredu-aldaketarik ez dakartelako
Nafarroako Energia Aldatzen plataformak protesta egin du larunbat honetan Iruñean, parke eolikoak eta fotovoltaikoak eraikitzeko energia berriztagarrien enpreseri emandako baimen kopuruaren gorakadagatik, ez baitute energia-eredu aldaketarik ekarriko.
Hainbat herrietako elkartek osatutako plataforma da Nafarroako Energia Aldatzen, hala nola, Anue, Cendea de Itza, Cenda de Oltza, Etxauri, Eguesibar, Esteribar, Erroiba, Ezkabarte, Juslapeña-Txulapain, Leoz-Leotz, Lizoain-Arriasgoiti, Odieta, Olaibar, Urbasa-Andia eta Valdeizarbe-Izarbeibar. "Nafarroako Gobernuaren oniritziarekin, energia empresa pribatu horien eskutik, gure herriak pairatzen ari diren erasoaren aurrean, erantzun argia eta garbia" aldarrikatu du plataformak.
Roberto Pascual plataformako bozeramaileak adierazi duenez, "oligopolioekin bukatzea ezinbestekoa da, eredu-aldaketa planteatu beharrean, energia-trantsizioa nahi dutelako". "Krisi klimatikoaren eta energetikoaren aitzakiarekin, haize-parkeak, parke fotovoltaikoak, makro-abeltegiak, meatzeak, tentsio handiko sare elektrikoko autobideak edo abiadura handiko trenarako lineak eraikitzeko 100 mega-proiektu daude egun, eta euren helburua da egoeraz aprobetxatzea negozio berriak egiteko", gaineratu du Pascualek.
Manifestazioa Iruñeko erdialdean izan da, eta Nafarroako Gobernuko eta Parlamentuko egoitzetatik igaro direnean, energia-enpresa horien kontrako oihuak areagotu dira. Horien esanetan, energia-enpresek "herri-lurrak eta ondare naturalak okupatzen dituzte, ingurugiroari, naturari eta pertsonei kalte konponezin eraginda".
Protestaren amaieran agiria irakurri dute, eta azpimarratu dute enpresa horiek eskainitako irtenbidea "faltsua" dela. 90ko hamarkadan hasitako deskarbonizazioak eta aldaketa klimatikoaren aurkako borrokak "ez dute berotegi-efektuko gasen kontzentrazioa murriztu". "Planetaren berotzea muturreko tenperaturetara iritsi da, herritar asko hil ditu eta beste askoren osasuna larriki kaltetu", ondorioztatu dute.
Deialdiaren antolatzaileek uste dute auzoak eta herriak ahaldundu behar direla, euren energia-iturri propioak sortuz eta erabiliz. "Gure bitartekoak mugatuak dira, baina bidezko banaketaren bitartez, pertsona guztientzako bizitza duina bermatu dezakegu", amaitu dute.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.