Genero-berdintasunaren indizeak hobera egin du Euskadin, baina ahuldu egin da botere ekonomikoari dagokionez

Euskal Autonomia Erkidegoko Genero Berdintasunaren Indizea 100etik 73,1 puntukoa izan zen 2019an, eta 2010eko datuekin alderatuta, 4,3 puntu hobetu egin du hobera, Eustat Euskal Estatistika Erakundeak landutako datuen arabera. 2010 eta 2019. urteen artean bost neurketa egin dira, eta, horien arabera, urtez urtez aurrerapausoak eman dira, 2010ean 68,9koa baitzen indizea.

Desberdintasun handiena duen dimentsioa Boterearena da, 100etik 62,7 puntuko adierazle partzialarekin. Aitzitik, Osasunean, Diruan eta Enpleguan hobetzea lortu du.

Genero Berdintasunaren Indizea adierazle sintetiko bat da. Dimentsio eskala baten bidez, 1 erabateko berdintasun eza eta 100 erabateko berdintasuna izanik, gizonen eta emakumeen artean ongizateari eta garapen pertsonalari eragiten dieten alderdi garrantzitsu batzuetan oraindik indarrean dauden berdintasun ezak laburbiltzen ditu.

Osasunaren dimentsioa (92,4 puntu) da berdintasun osora gehien hurbiltzen dena, eta botere ekonomikoa, berriz, gutxien, 100etik 45,1 puntu.

Euskal Autonomia Erkidegoa zazpigarren postuan dago Irlandarekin batera EBko 27 estatu kideek osatzen duten sailkapenean. Espainiako Genero Berdintasunaren Indizea 73,7 puntukoa da 2019an, Euskadiri dagozkion 73,1 puntuak baino 0,6 puntu handiagoa.

Hala ere, dimentsioen sei adierazle partzialetatik lautan Euskadik Espainiako estatuan baino balio handiagoak ditu. Gehien gainditzen duen dimentsioa Denborarena da, non distantzia 10,1 puntukoa den, baina ez horretan bakarrik: Dirua (+6,9), Osasuna (+2,1) eta Enplegua (+0,9) dimentsioetan ere aurretik dago EAE.

Aitzitik, desabantailan dago Ezagutzaren dimentsioan (-2,2) eta, batez ere, Boterearen dimentsioan (-14,2), bai botere sozialaren (-18,6) eta, batez ere, ekonomikoaren (-25) dimentsioan, nahiz eta botere politikoaren adierazleak Euskadin 10,3 puntu gainditu duen Espainia osoarena.