Dena prest Errezilen, ekainaren 12an ospatuko duten Eskola Txikien festarako
Datorren asteko igandean, ekainaren 12an, Errezilen ospatuko da aurtengo Gipuzkoako Eskola Txikien jaia. 2021eko ekainean Aizarnako eskolak emandako lekukoari jarraiki, 34. Eskola txikien jaia izango da aurtengoa. 'Eskola Txikiak Bizirik' leloarekin jarraitzen da urterik urte jaia antolatzen, eta Errezilen, bigarren aldiz ospatuko da jai hau, 1995ean antolatu zuten lehen aldiz.
Gipuzkoako eskola txikietako ordezkari ezberdinak bertan zirela, Errezilgo San Martin eskola atarian aurkeztu dute gaur, herritarrek urte osoan zehar ondu dute egitaraua.
Izan ere, iazko ekainean egin zen, Errezilen, herritar guztientzako antolakuntza deia, eta ordutik hona, lanean aritu dira talde ezberdinetan banatuta. Lana ez ezik, ekarpen ekonomikoa ere beharrezko izaten direnez horrelako ekintzetan, gogora ekarri dituzte, prentsaurreko horretan, era batera edo bestera jai honen antolakuntzan lagundu duten enpresa eta erakundeak.
Oihana Trula Errezilgo Toki Alai guraso elkarteko ordezkariak nabarmendu duenez, "Auzolana gailendu da ikasturte osoan zehar gure artean. Eta pozik gaude egindako bidearekin. Pozik eta esker oneko, gainera, Gipuzkoako eskola txikietako irakasle, ikasle eta gurasoengandik ere jaso dugun erantzun bikainarengatik ere".
Bide beretik, Irati Manzisidor Gipuzkoako eskola txikien irakasleen ordezkariak azpimarratu duenez, "azken bi urteetan bizi izan dugunak pertsonon arteko distantziak handitu eta zenbait kasutan harremanak hoztu eta gaiztotu" ditu, baina hezkuntzak aurrean dituen "erronka ugari eta handiei" modu egokian erantzuteko "bertan eragiten dugun kideok elkarrekin egin behar dugu lan: familiak, herritarrak, udaletako ordezkariak, eskola ezberdinak, administrazioa… Asko dugu elkarri emateko, elkarrengandik ikasteko, elkartu gaitezen bada", esan du.
Esan bezala, jaiaren antolakuntzan ibili da Errezilgo hezkuntza komunitatea urtebetez. Hala, Gipuzkoako eskola txikien arteko hartu-emana sustatzeko proposamen didaktikoak egin dira San Martin eskolatik gainerako eskoletara, eta proiektuaren emaitza gisa, kartel erakusketa eta "elkar ezagutuz" txapelketa egingo dira jaiaren egunean.
Halaber, Errezilgo Lehen Hezkuntzako 5. eta 6. mailako ikasleek, Maria Dolores Agirre (Errezil, 1903-Donostia, 1997) euskal idazle, itzultzaile, irrati esatari eta euskara irakaslea ezagutzeko proiektuan murgildu dira eta, ekainaren 12ko festan. horren biografian oinarritutako antzerkia aurkeztuko dute bertara doazen guztientzat.
Egun haundia gero eta gertuago ikusten dute eskolako ikasleek ere, Eihari Agirretxe eta Mikel Zabala pozik eta urduri agertu dira, eta eskola txikietako guraso, irakasle eta ikasle guzti-guztiak gonbidatu dituzte herrira: "Ez dago, ez, aspertzeko aitzakiarik, beraz, animatu eta etorri Errezilera hurrengo igandean, ekainaren 12an" adierazi dute.
2022ko jaiaren ondoren, Lizartzak helduko dio eskola txikietako jaien ardurari eta festaren harrera ekitaldian egingo da lekuko aldaketa.
Eskola txikien jaiko egitaraua:
10:00 - 11:00 Harrera ekitaldia
11:00 - 14:00 Batukada herrian barrena, herriko produktuen azoka, herri kirolak, puzgarriak, trebezia zirkuitua, zirko tailerra, eskalada txokoa, sormen tailerrak eta "Elkar ezagutuz" jolasa
14:30 - 15:30 Bazkaria
15:30 - 17:00 Andoni Ollokiegiren kontzertua
17:00 - 17:30 Ikasleen antzerkia: "M. Dolores Agirre"
17:30 - 18:30 "Baserriko porrusalda" clown emanaldia
15:00 - 19:00 Puzgarriak
18:30 - 20:00 Argizulo Dub Station taldearen kontzertua
Egun osoan Errezil Sagarraren Ibilbidea
Zure interesekoa izan daiteke
Ertzaintzaren aurkako salaketa jarri dute, gizonezko bati barrabiletan lesio larria eragiteagatik Sestaon
Bingen Zupiria Segurtasun sailburuak Eusko Legebiltzarreko Segurtasun Batzordean agerraldia egitea eskatu du, gertatutakoaren inguruko azalpenak emateko.
ELAk salatu du irakasleak euskalduntzeko Irale programa bertan behera utziko duela Jaurlaritzak
Begoña Pedrosa Hezkuntza sailburuak zehaztu du programarekin jarraituko dela, baina egungo "behar berrietara" egokituta. Azpimarratu du azken urteotan sistema publikora batu diren irakasleek C1 maila dutela. "Datu horrek berak bakarrik hitz egiten du".
Bilboko erdigunetik Masustegi auzora eramaten duen igogailu berria martxan da
Bilboko erdigunetik Masustegi auzora eramaten duen igogailu berria martxan da. Aldapa handiak eta eskailera ugari diren honetan, aspaldian eskatua zen igogailua estreinatu berri da. 100 metroko igoeraren ostean herri txiki batean sartzen gara, nahiz eta hirian egoten jarraitu.
Tuterako Ospitaleko mediku egoiliar batek salatu du lankide batek sexu-erasoa egin diola
Azaldu du Larrialdialdietako zerbitzuan guardian zeudela gertatu zela erasoa, eta Osasun zentroak kasua artxibatu egin zuela, "probarik ez" zegoela argudiatuta.
Lekuko batek grabatutako irudiei esker atxilotu dituzte Berriozarreko kafetegi bateko lapurrak
Inguruan garbiketa lanetan ari zen pertsona batek bi pertsona ikusi zituen kafetegian lapurreta egin eta leihotik ateratzen. Aurre ere egin zien, baina lapurrek ihes egin zuten. Hala ere, grabatu zituen irudiak funtsezkoak izan dira ikerketa burutu eta lapurretaren ustezko egileak, aita-semeak, atxilotzeko.
Arabako ikasle nerabeen % 47,3k online pornografia kontsumitu dute noizbait
Gasteizko Udalak, Vital Fundazioak eta Euskal Herriko Unibertsitateko (EHU) PSIDES ikerketa-taldeak Arabako adingabeen online pornografiaren kontsumoari buruz egindako lan batek agerian utzi duenez, Arabako adingabeek pornografiarekin lehen harremana 12 urterekin izaten dute.
Gizon bat hil da Berriobeitiko rokodromo batean, lan-istripuz
51 urteko gizona altuera handitik erori da instalazio horietan lanean ari zela.
Egoera bere onera itzuli da N-1 errepidean Andoainen, Irunerako noranzkoan, istripu baten eta auto-ilara luzeen ondoren
10:00 inguruan istripua izan da kamioi baten, autobus baten eta hiru autoren artean, eta, zauriturik izan ez bada ere, errepidea erabat itxi behar izan dute eta auto-ilara luzeak sortu dira, 6 kilometrorainokoak.
Etxebarri erretegia, Macarfi gidako 'Top of the Tops' zerrendan
Gainera, Azurmendi eta Molino de Urdaniz Euskal Autonomia Erkidegoko eta Nafarroako jatetxe onenak izendatu dituzte. Gainera, urteko bigarren irekiera onenaren aitortza eman diote Itzuli jatetxeari.
Mancisidor: "Erakundearen hizkuntza politikak orain arteko estandar altuei eutsiko die"
"Hori da orain arte izan dudan konpromiso irmoa, eta aurrerantzean ere horri eustea espero dut", nabarmendu du Mikel Mancisidor Ararteko berriak, Eider Hurtadok Radio Euskadin egindako lehen elkarrizketan.