Euskadiko Ingurumen Esparru Programa berria diseinatzen lagunduko dute alor desberdinetako 40 adituk
Euskadiko Ingurumen Esparru Programa berriaren diseinuan elkarlanean arituko dira alor desberdinetako 40 aditu eta Eusko Jaurlaritzako Garapen Ekonomikorako, Jasangarritasunerako eta Ingurugirorako Saila. Programa horretan zehaztutako ardatzek 2030ra arte EAEko jasangarritasun-politikak markatuko dituzte.
Bihar ospatzekoa den Ingurugiroaren Nazioarteko Egunaren harira, apiriletik lanean diharduten aditu horien atariko ondorioetako batzuk kaleratu ditu Eusko Jaurlaritzak ohar baten bidez.
Itziar Alkorta EHUko uda-ikastaroetako zuzendariaren "Ingurugiroaren integrazioa beste politiketan" lantaldeak proposatu ditu, besteak beste, administrazioek egindako erosketak bateratzea, eta unibertsitateen, enpresen eta administrazioen arteko ezagutza partekatzeko tresna berriak garatzea.
Cristina Ortiz de Salido Osasun Saileko Osasun Programen arduraduna buru duen "Osasuna eta ingurugiroa" lantaldeak, berriz, unibertsitate eta formakuntza profesionaleko programak sustatu nahi ditu, edo herritarren osasuna larrialdi klimatikoarekin lotzen dituzten etorkizuneko agertokiak irudikatzea.
Hirugarren lantaldea "Jasangarritasun lehiakorra" da, eta Jorge Fernandez Orkestra-Lehiakortasunerako Euskadiko Institutuko kideak zuzentzen du. Ekonomia zirkularrean sakontzean dihardute, eta prozesuen berrikuntzan, ekologiaren ikuspuntutik.
Laugarren lantaldeak, "Eredu kontzientea eta kontsumo jasangarria" (Azurmendi taldeko Eneko Atxa sukaldaria, buru), irizpide jasangarrietan oinarritutako kontsumo-eredua bultzatu nahi du, ekoizpen ereduarekin lotuz.
Bestalde, enpresa eta proiektu jasangarriak babesteko euskal finantza-alorra bideratzea izango da "Finantzazio jasangarria" lantaldearen helburua (BRTA – Basque Research & Technology Allianceko Transferentzia arduraduna den Garbiñe Manterolarekin).
Seigarren eta azken lantaldea da "Monitorizazioa eta kudeaketa aurreratua". Maria Jose Sanz BC3-Basque Centre for Climate Changeko zuzendari zientzialariak zuzendutako talde honek indikadore egonkorretan oinarritutako erabakiak hartzeko eredu batean jarriko du arreta, helburuak modu partehartzaile eta garden batean bete dezaten.
Sei lantaldeek udazkenera arte jarraituko dute lanean, "proiektu eraldatzaileetarako ideia berritzaileetan". Azken txostenatik aterako diren proposamen horiek 2030ra arteko EAEko jasangarritasun-politika markatuko dute.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.