Foru Ganberak tramitera onartu du Eliza Katolikoaren sexu abusuen biktimak aitortzeko lege proposamena
Nafarroako Parlamentuaren osoko bilkurak tramitera onartu du ostegunean Eliza Katolikoaren barnean gertatutako sexu-abusuen biktimei errekonozimendua adierazteko Foru Lege proposamena. Navarra Sumak ez beste taldeek (PSN, Geroa Bai, Podemos Ahal Dugu, EH Bildu eta Izquierda-Ezkerra) egin dute ekimenaren alde.
Foru Gobernua osatzen duten hiru taldeek eraman dute proposamena ganberara. Xedea da Eliza Katolikoaren baitan Nafarroan egindako sexu abusuen biktimek "errekonozimendurako eskubidea baliatu" ahal izateko prozedura antolatzea, horrela, "subsidiariotasunez zigor edo zehapen arloko edozein jarduketaren aurrean, oroimen kolektiboan gorde dadin oraintsura arte ezkutuan eduki den eta gizarte gehienak ezagutu ez duen errealitatea".
Zehazki, aitortza eta erreparazioa jaso ez duten biktimei estatutu berezi bat ematea du helburu. "Ahanzturaren apologiaren eta Eliza Katolikoko kideek adingabeei egindako sexu abusuak justifikatu eta/edo ukatu dituzten errebisionismo eta negazionismo mota guztien mende egon diren gertaerak eta ekintzak" azalera ateratzeko asmoa du arauak.
Horretarako, hainbat adituk osatutako batzorde bat eratuko dute, Errekonozimendurako Batzordea, "zorroztasun handienarekin eta banaka" biktima horiei aitortza egin diezaien. Bederatzi pertsonak osatuko dute: lau adituk, biktimen elkarteek izendatutako bi ordezkarik, Eliza Katolikoak aukeratutako beste bik, eta idazkariak. Batzorde horrek, urtean behin, memoria txostenak egingo ditu.
Navarra Suma bakarrik geratu da kontra egitean
Legearen defentsan aritu den Mikel Buil Podemos Ahal Duguren bozeramaileak nabarmendu duenez, ekimena "biktimentzat ez ezik, gizarte guztiarentzat ere sendagarria izango den prozesu soziala" izango da. Izan ere, horren ustez, legeak "memoria aldarrikatzeko, negazionismoari aurre egiteko eta ez ikusiarena egiteko jarreren kontra aritzeko" balio du.
Iñaki Iriartek (Navarra Suma) esan du bere taldea ez dagoela "erreparazioaren, justiziaren eta abusuok ikertzearen kontra", baina bai lege proposamen horren kontra: "Gaizki idatzita dago, gaizki eginda". Salatu duenez, "arlo jakin batean, Eliza Katolikoan, egindako abusuak bakarrik hartzen ditu aintzat". Horren ildoan, honakoa galdetu du: "Abusuak izan diren esparru guztietarako lege bana egingo al duzue?".
Zure interesekoa izan daiteke
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.