Leire mendilerroko suteak kontrolik gabe hedatzen segitzen du
Arangoiti mendiaren magalean, Leire mendilerroan, astearte gauean piztu zen suak kontrolik gabe hedatzen jarraitzen du. Halaber, berriro indartu dira atzo Tafallan eta Olletan sortu ziren suteak, eta, arratsaldean, beste bat hasi da Larragan.
Suteen arriskuagatik ezarritako larrialdi planaren bigarren maila aktibatu dute, herritarrak arriskuan egon daitezkeelako, eta Nafarroako suhiltzaileekin soilik suteei ezin dietelako aurre egin.
Hortaz, Armadaren Larrialdietako Unitatearen laguntza eskatu du Nafarroako Gobernuak. Militarrei Esako frontoian emango diete aterpea.
Horrez gain, Espainiako Gobernuak Zaragozatik eta Madrildik brigadak, helikopteroak eta hegazkin txikiak bidali ditu sua itzaltzeko lanetan laguntzeko.
Suhiltzaileek arazoak dituzte Arangoitiko magalean zabaldutako garrak itzaltzeko, haizeak gogor jotzen duelako eta, zuhaitzez beteta dagoenez, ibilgailuak bertaraino heltzea ezinezkoa delako.
Hegazkin txikiekin ibili dira ura botatzen ilundu duen arte, baina, oraingoz, ezinezkoa izan zaie garrak itzaltzea. Egunak berriro argitu arte, lurrez jarraituko dute lanean suhiltzaileek.
Bestalde, Javier Remirez Nafarroako Gobernuko presidentea Pedro Zaro Suhiltzaileen Zerbitzuko zuzendariarekin bildu da suteen jarraipena egiteko.
Leireko monasteriotik 30 bat lagun atera dituzte, besteak beste, bertan bizi diren monjeak eta hara joandako bisitariak. Denak Xabierrera eraman dituzte eta Jesuiten komentuan eman diete ostatu.
Gainerako suteen kasuan, Tafallakoa kontrolpean izan dute goizean, baina, arratsaldean, haizeak norabidea aldatu duenean, garrek indarra hartu dute berriro. Horrela, bada, NA-6140 errepidea itxi dute, Tafalla eta Miranda Arga udalerrien artean, suebaki moduan erabiltzeko.
Olleta eta Leoz arteko sutea ere berpiztu da arratsaldean, eta handik hurbil beste bat sortu da.
Halaber, 19:00ak inguruan, Larragan sute bat hasi da eta azkar zabaltzen ari da, lurra lehor dagoelako eta haizearen eraginez.
Nafarroako Gobernuak arduraz jokatzeko eskatu du muturreko tenperaturen eraginez sute arriskua handia delako. Lurzorua lehor egotearen, tenperatura altuen eta haize bortitzaren eraginez, oso zailak izaten ari dira garrak itzaltzeko lanak.
Zure interesekoa izan daiteke
Ekaitz Pau, Gorlizko alkatea: "Udaltzaingoaren auto bat bidali arren, hark alde egitean eraso zioten etxeari"
Uribe Kosta institutuko irakaslearen jazarpen kasuaren harira, Ekaitz Pau Gorlizko alkateak azaldu du gaiaren berri izan zuela irakaslea bera Udalarekin harremanetan jarri zenean, azken erasoa baino egun batzuk lehenago. Dioenez, alde guztiekin harremanetan jarri da, eman beharreko pausoak zeintzuk izan behar diren erabakitzeko, eta azpimarratu du ez dela institutuko gauza isolatu bat, gizarte osoari eragiten diona baizik.
Emakume bat hil da N-121-A errepidean, Beran, lau ibilgailuren artean izandako istripuan
Biktima Lesakakoa da. Gainera, bi pertsona zauritu dira, eta Irungo eta Donostiako ospitaleetara eraman dituzte.
Gripeagatik ospitaleratuta daudenen kopurua iaz baino bost aldiz handiagoa da EAEn
Osakidetzak eta Osasun Sailak txertaketaren garrantzia azpimarratu dute arnas gaixotasunen prebentzio gisa, eta "erne egoteko" eskatu dute Eguberrietara begira.
Plantazio handiak hedatzen ari dira, eta saguzarrak eta Amazonia mehatxatzen dituzte
Brasilgo Amazonian, plantazio handiek saguzar frugiboroen (frutajaleen) bizimodua hankaz gora jarri du. Funtsezko espeziea da bertako haziak eta landaredia mantentzeko. Monolaborantzak eremuan zehar mugitzea galarazten die saguzarrei, eta horrek oztopatzen du haziak barreiatzea. Saguzarrek garraiatutako hazi bakoitzak ikaragarri laguntzen du zuhaitz, fruitu, baso eta sabanak birsortzen. Amazonia babesteko beharrezkoak dira.
Barnahus, sexu-abusuen biktima izan diren adingabeei arreta integrala emateko EAEko lehen zerbitzua
Arreta "homogeneoa eta koordinatua" emango zaie Barnahus etxean sexu-indarkeria pairatu duten haur eta nerabeei; espazio bakarrean jasoko dituzte osasun, hezkuntza, gizarte, polizia eta justizia zerbitzuak.
EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Gizon bat atxilotu dute Iruñean, kirol-klub bateko garagardo txorrota irekita utzi eta 450 litro alferrik galdu direlako
Gauez gertatu zen, ostalaritza-establezimendua itxita zegoela. Poliziak jakinarazi duenez, ustezko egilea bertan sartu zen eta garagardo-zisterna bateko txorrotari eragin zion, baimenik gabe.
EAEko emakumezko erizainen ia erdiek diote komentario sexistak jasan dituztela
Euskadiko emakumezko erizain eta fisioterapeuten ia erdiek iruzkin iraingarriak jasan dituzte, SATSE Erizainen Sindikatuak egindako inkesta baten arabera. Kasuen % 85 baino gehiago ez dira salatzen. Ikerketa Emakumearen aurkako Indarkeria Desagerrarazteko Nazioarteko Eguna berehala izango dela eta eman ezagutzera.
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Oinarri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko adina.