Festetan eraso sexistei aurre egiteko protokoloa proposatu die herriei Euskal Hirigune Elkargoak
Euskal Hirigune Elkargoak Bestetan bortizkeria sexista eta sexualen kontrako borroka protokoloa prestatu du eta Ipar Euskal Herriko 158 herriei bidali die, derrigorrezko ez bada ere, herriko jaiak antolatzean aintzat har dadin.
Baionan 2017an abian jarri zuten protokoloaren gisako bat lurralde osora zabaltzea da asmoa, festetan parte hartzen duten eragile eta herritar guztiak sentsibilizatu, eta tresnak ematea jaietan eraso sexistak prebenitu eta aurre egiteko.
Horrela, dispositiboa jaien antolakuntzatik bertatik abiatuko da, jaien antolaketan, guneen eta ekitaldien diseinuan kontuan har dadin bortizkeria sexualaren alderdia ere. Horretarako festa aurretik bilerak egitea gomendatzen dute, ostalariak, komertzioak, elkarteak, segurtasun eragileak eta jaietan parte hartzen duten bestelako eragileak gonbidatuz. Dispositiboaren inguruko informazioa eta formazioa eskainiko zaie guztiei.
Festetan, bestetik, indarkeria sexistaren inguruko informazio eta erreferentzia-gune bat ezartzea proposatzen du protokoloak. Publiko zabalaren sentsibilizaziorako informazioa eta gomendio afixak banatzeko, hala nola, eraso baten lekuko izanez gero egin beharrekoaz edo norbait egoera zaurgarrian dela ikusiz gero hura laguntzeko moduez.
Era berean, kolore batez identifikagarri diren pertsonak errelebotan antolatzea proposatzen du, besteen segurtasunaz arduratuko direnak, haien presentziari esker lasaigarriak liratekenak, egoerak aurreikusiko dituztenak eta biktimak orientatuko dituztenak.
Horrez gainera, biktimen harrera gune bat finkatzea ere gomendatzen da, biktimei babesa eskaini ahal izateko, lasaitzeko, eta erasotzaileak identifikatzen lagunduko luketen lekukotasunak bilatzen laguntzeko. Harrera gunearen baitan, lekukotasunak biltzeko txoko bat jartzea proposatzen du protokoloak, biktimarekin hitz egin eta prozedura judiziala eta salaketa prozedura jakinarazteko.
Protokolo honen bidez, Euskal Elkargoak ez du erakutsi nahi gai honekiko lurraldea eredugarria denik, baizik eta eraso sexisten kontrako borroka presente dagoela kezken artean.
Zure interesekoa izan daiteke
Ekaitz Pau, Gorlizko alkatea: "Udaltzaingoaren auto bat bidali arren, hark alde egitean eraso zioten etxeari"
Uribe Kosta institutuko irakaslearen jazarpen kasuaren harira, Ekaitz Pau Gorlizko alkateak azaldu du gaiaren berri izan zuela irakaslea bera Udalarekin harremanetan jarri zenean, azken erasoa baino egun batzuk lehenago. Dioenez, alde guztiekin harremanetan jarri da, eman beharreko pausoak zeintzuk izan behar diren erabakitzeko, eta azpimarratu du ez dela institutuko gauza isolatu bat, gizarte osoari eragiten diona baizik.
Emakume bat hil da N-121-A errepidean, Beran, lau ibilgailuren artean izandako istripuan
Biktima Lesakakoa da. Gainera, bi pertsona zauritu dira, eta Irungo eta Donostiako ospitaleetara eraman dituzte.
Gripeagatik ospitaleratuta daudenen kopurua iaz baino bost aldiz handiagoa da EAEn
Osakidetzak eta Osasun Sailak txertaketaren garrantzia azpimarratu dute arnas gaixotasunen prebentzio gisa, eta "erne egoteko" eskatu dute Eguberrietara begira.
Plantazio handiak hedatzen ari dira, eta saguzarrak eta Amazonia mehatxatzen dituzte
Brasilgo Amazonian, plantazio handiek saguzar frugiboroen (frutajaleen) bizimodua hankaz gora jarri du. Funtsezko espeziea da bertako haziak eta landaredia mantentzeko. Monolaborantzak eremuan zehar mugitzea galarazten die saguzarrei, eta horrek oztopatzen du haziak barreiatzea. Saguzarrek garraiatutako hazi bakoitzak ikaragarri laguntzen du zuhaitz, fruitu, baso eta sabanak birsortzen. Amazonia babesteko beharrezkoak dira.
Barnahus, sexu-abusuen biktima izan diren adingabeei arreta integrala emateko EAEko lehen zerbitzua
Arreta "homogeneoa eta koordinatua" emango zaie Barnahus etxean sexu-indarkeria pairatu duten haur eta nerabeei; espazio bakarrean jasoko dituzte osasun, hezkuntza, gizarte, polizia eta justizia zerbitzuak.
EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Gizon bat atxilotu dute Iruñean, kirol-klub bateko garagardo txorrota irekita utzi eta 450 litro alferrik galdu direlako
Gauez gertatu zen, ostalaritza-establezimendua itxita zegoela. Poliziak jakinarazi duenez, ustezko egilea bertan sartu zen eta garagardo-zisterna bateko txorrotari eragin zion, baimenik gabe.
EAEko emakumezko erizainen ia erdiek diote komentario sexistak jasan dituztela
Euskadiko emakumezko erizain eta fisioterapeuten ia erdiek iruzkin iraingarriak jasan dituzte, SATSE Erizainen Sindikatuak egindako inkesta baten arabera. Kasuen % 85 baino gehiago ez dira salatzen. Ikerketa Emakumearen aurkako Indarkeria Desagerrarazteko Nazioarteko Eguna berehala izango dela eta eman ezagutzera.
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Oinarri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko adina.