Kongresuak kalamuaren erabilera medizinala onetsi du
Kongresuko kalamu medizinalari buruzko azpibatzordeak kalamuaren erabilera medizinala onartu du, "soilik osasun profesionalen preskripziopean", eta ospitaletako botikei lehentasuna emango badiete ere, kaleko botiketan ere eman ahal izatea aztertuko dute.
Hala dago jasota azpibatzordeak onartu berri duen Ondorio eta Aholkuen Proposamenaren behin betiko txostenean, Efek zabaldu duenez. Txostenak PSOE, Unidas Podemos, Ciudadanos, EAJ eta PDeCAT taldeen babesa jaso du; ERC eta EH Bildu abstenitu egin dira, eta PPk zein Voxek aurka bozkatu dute.
Edonola ere, proposamena Osasun Batzordean bozkatu beharko dute datorren astean -seguruenik 27an- eta, hortik aurrera, Sendagaien eta Osasun Produktuen Espainiako Agentziak, EAJk eskatu bezala, "sei hilabeteko epean", beharrezko lanak egingo ditu "gaur egungo araudiarekin bat etortzeko moduan egon dadin, eta bideragarria izateko, kalamuarekin egindako sendagaiak farmazia-merkatuan eskura egon ahal izateko".
Negoziazio luzeren ostean, txostenak kalamuaren erabilera medizinala min onkologikoko eta endometriosiko kasuetan erabiltzea proposatu du. Horrez gain, min ez onkologikoan -neuropatikoan-, esklerosi anitza duten gaixoen kasuan, kimioterapiak eragindako epilepsia kasu batzuetan, eta goragale edo okada kasuetan ere erabiltzea aurreikusi dute. Gainera, erabilera "beste kasu terapeutiko batzuetan ere" zabaltzeko aukera egongo da, "ikerketek zantzu sendoak dituztenean".
Era berean, farmazia komunitarioetan ere eman ahal izateko aukera zabaldu dute, UPk, Cs-k eta EAJk eskatu bezala: "kalamuaren estraktuekin edo estandarizatutako nahasketaren formulak osasun farmazia sistemaren sarean ematea behar dira, ospitaletako farmazietan lehentasunez, eta baldintzak betetzen dituzten farmazia komunitarioetan emateko aukera aztertuta", dio dokumentuak.
Gainera, "EBko beste herrialde batzuetan eskura dauden nahasketak" aintzat hartzeko aukera aurreikusi dute, proiektu esperimentalak egiteko, "hala eskatzen dutenean".
Edozein kasutan, "preskripzioa osasun langileek baino ezin dute egin". Ez, ordea, soilik kalamu medizinala gomendatuko den espezialitateetako langileek, PSOEk hasieran eskatu bezala. "Medikuntzako profesionalen artean kalamuaren erabilera medizinalean formakuntza sustatu behar da".
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.