Suak 10.000 hektarea baino gehiago kiskali ditu Nafarroan
Suteak itzaltzeko lanak bide onetik doazela egiaztatu ostean, Nafarroako Gobernuak larrialdi maila murriztea erabaki du. Halaber, larunbatetik izandako sute ezberdinen ondorioz, 10.000 hektarea baino gehiago kiskali dira, lehendabiziko kalkuluen arabera.
Javier Remirez Nafarroako Gobernuko presidenteordeak azaldu duenez, suterik kezkagarrienak une honetan bi dira: San Martin Unx eta Galipentzu ingurukoa eta Erreniegakoa. Bi eremu horietan, egoerak hobera egin du egunez, baina suhiltzaileek lanean segituko dute gauean garrak berpiztea ekiditeko.
Bestalde, Olleta, Makirriain, Santsoain eta Amatriain udalerrietako bizilagunek etxera itzuli ezinik jarraitzen dute. Guztira, 90 pertsona ebakuatu zituzten herri horietan.
Remirezek zehaztu du larrialdi-maila jaitsi badute ere, basoko suteen kontrako alerta 2. mailan mantentzen dela eta, beraz, gainerako erkidegoetako eta Estatuaren baliabideak erabiltzeko aukera izango dutela garrei aurre egiteko.
Bestalde, 10.000 hektareatik gora erre direla jakinarazi du, baina, aldi berean, azpimarratu du behin-behineko datuak direla eta aurrerago egingo dutela kalteen balantzea.
Horrez gain, eta egoera hobera egiten ari den arren, Remirezek arduraz jokatzeko deia egin die herritarrei, eta, ildo berean, esker ona adierazi die egunotan etxetik aterarazi dituzten bizilagunei erakutsi duten jarreragatik.
Halaber, esan du sua itzaltzeko lanetan 1.100 behargin ibili direla, poliziak, boluntarioak eta osasun arloko langileak kontuan hartu gabe.
Amaitzeko, iragarri du, gauean dena ondo badoa, asteazkeneko Krisi Mahaiaren bileran larrialdi egoerari lotutako neurriak gehiago arintzea aztertuko dutela. Oraingoz, baina, nekazaritza jardueratan makinak erabiltzeko debekua indarrean egongo da.
Albiste gehiago gizartea
Beroari egotz dakizkiokeen 26 heriotza izan dira Euskadin abuztuan
Udan dagoeneko 65 heriotza zenbatu dira gehiegizko tenperaturarekin lotutako patologiengatik.
86 urteko gizon baten hilotza aurkitu dute Zumaiako itsasadarrean
Gorpua Donostiako Auzitegiko Medikuntzako Euskal Erakundera eraman dute autopsia egiteko.
Emakume bat hil da A-12 errepidean, Torres del Rion
Emakumearen ibilgailua bide bazterrean zegoen, eta kamioiak talka egin du haren aurka.
40 urteko gizon bat atxilotu dute Gasteizen, adingabe baten aurrean genitalak erakusteagatik
Bikote baten eta adingabe baten aurrean "bere alderdi intimoak erakusteagatik eta astintzeagatik" eta iruzkin lizunak egiteagatik atxilotu zuten.
EAEko berrogeita hamar suhiltzaile baino gehiago Gaztela eta Leonera joan dira, baso-suteak kontrolatzen laguntzeko
Zehazki, Gaztela eta Leongo Juntak Eusko Jaurlaritzari laguntza eskatu ondoren hartu da neurria. Hala, bat egin dute suteak itzaltzen laguntzeko berriki bidalitako helikopteroarekin.
Etxeko espetxealdia agindu dute Zizur Nagusian ustez emaztea hil zuen 85 urteko gizonarentzat
Auzitegiak ez du ihes-arriskurik ikusten, ezta frogak deuseztatzekoa ere, eta gainera ezagutza funtzioak kaltetuta dituela ebatzi du. Pultsera telematikoa jantzi beharko du, eta seme-alabek erabakiko dute zein etxetan biziko den.
Ia bi kilometroko auto-ilarak Txorierrin, Sondikatik Gurutzetara bidean, istripu baten ondorioz
Bestalde, A-15ean normaltasunera itzuli da zirkulazioa Hernanin. Aian, bi autok talka egin dute Zarautzerako noranzkoan, eta auto-ilarak daude. Zizurren, berriz, bost pertsona zauritu dira, tartean bi adingabe, goizaldean izandako istripu batean.
Faltzesko piloiko bigarren entzierroa, azkarra eta zirraragarria
Jose Maria Goñiren ganadutegia izan da protagonista Faltzesko bigarren entzierro honetan. Goizeko 09:00etan suizidia jotzearekin bat eman zaio hasiera etzierroari. Azkarra izan da, eta zauritu bat utzi du, anbulantzian ospitalera eraman dutena.
Juan Mari Aburto: "Txurdinagako eszenatokia prest zegoen eta Abandoibarrakoa ez, eta ez dut ikusten arrazoirik"
Bilboko alkatearen arabera, kontratatutako enpresak ez zuen bere lana bete, "denbora oso txarto kudeatu zuen", eta, ondorioz, lehen eguneko kontzertuak (Kai Nakai, Olatz Salvador eta Maren) bertan behera gelditu ziren Abandoibarran. Arazoak konponduta, igandeko kontzertuak normaltasunez eskaini ahal izan zituzten.
Hamaika lagun atxilotu dituzte igandean Bilboko Aste Nagusian, horietako bi indarkeria matxistagatik
Delitu gehienak San Nikolas inguruan eta Zazpikaleetan gertatu dira, eta lapurretekin eta desobedientziarekin lotuta zeuden.