Remirez: "Egoerak hobera egin du astelehenekoarekin eta asteburukoarekin alderatuta"
Nafarroan larunbatean piztutako suteek azken urteetan ikusi gabeko kalteak utzi dituzte. Javier Remirez Foru Gobernuko bozeramaileak astearte honetan iragarri duenez, egoerak hobera egin du astelehenekoarekin eta asteburukoarekin alderatuta.
Remirezek Garesetik emandako prentsaurrekoan adierazi duenez, "pozez eta zuhurtziaz esan behar dut suteen bilakaera ona izaten ari dela, atzokoarekin eta asteburukoarekin alderatzen badugu".
Foru Gobernuko bozeramaileak azaldu duenez, egoera zailena bi foku garrantzitsutan dago orain. Lehena Garesen dago, eta han egoera kontrolpean dago, nahiz eta bertan jarduten jarraitzen duten. Bigarren puntua, eta une honetan kezka handien sortzen duena Galipentzuberriko eta Galipentzu Zaharreko guneetan dago; "bertan zentratuko dira gaur lanak".
Gainera, Remirezek suei aurre egiteko baliabide guztiak mantentzen ari direla baieztatu du. Halaber, iragarri du atzo arratsaldeko azken orduan bizilagunak euren etxeetara itzuli ahal izateko baimena eman zutela. Hala ere, oraindik zortzi herrigunetako biztanlek jarraitzen dute beren etxeetara itzuli ezinik.
Halaber, esan du bilakaera meteorologikoaren zain daudela. "Ostegunera arte ez da prezipitazio handirik espero, eta horrek oso zuhurrak izatera behartzen gaitu gaur eta bihar", adierazi du. Beraz, Foru Komunitateko Babes Zibileko eta Larrialdietako Lurralde Planaren 2. mailak indarrean jarraitzen duela iragarri du.
Kaltetutako hektareen lehen balorazioari dagokionez, Remirezek azaldu du suteak egonkortuta geratu diren eremuetan lanean ari direla, hala nola Nafarroako hegoaldean.
Suteen arrazoiei buruz, "arazo konplexu bati erantzuten dioten faktore asko" daudela esan du.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.