Barnahus: Sexu-abusuen izugarrikeria kontatzeko eta zauriak sendatzeko esparru atsegina
Naestved (Danimarka) hiriko Barnahusean edo umeen etxean sartzea kolore espazio batean murgiltzea da, pasilloetan animalien kartelak, jostailuak eta panpinak daudelako; baina atzean errealitate gogorrago bat ezkutatzen da, sexu-abusuen biktimak izan diren adingabeek lekukotza ematen duten tokia baita. Era berean, arreta terapeutikoa jasotzen dute. Eredua Islandian jarri zuten martxan, 1998an.
Beatriz Artolazabal Berdintasun, Justizia eta Gizarte Gaietarako sailburuak eta euskal ordezkaritza batek Danimarkako umeen etxe bat bisitatu dute hirian, nola funtzionatzen duen bertatik bertara ikusteko eta eredua Euskadira ekartzeko; izan ere, aurreneko haurren etxea Gasteizen eraikitzen ari dira.
Bi pasillo luze
Kanpoaldetik leiho askoko eraikin gris bat ikusten da. Ate nagusia zeharkatzerakoan, aldiz, kolorea da protagonista. Barnahusa bi pasillo luzek zatitzen dute, poliziala eta terapeutikoa, eta, horien alboetan, gela ugari daude, Trine Berger haurren etxeko zuzendariak euskal ordezkaritzari azaldu dionez.
Polizia-pasilloa
Polizia-pasilloan lau gela daude, horietako bi adingabeak elkarrizketatzeko dira, eta beste biak, monitorizatzeko. Bertan dozena bat pertsonak, tartean, fiskalek, abokatuek eta talde psikosozialak, adingabearen deklarazioa jarraitzen dute zirkuitu itxi baten bidez. Danimarkaren kasuan, elkarrizketa polizia batek egiten du, delitu mota horietan eskarmentua duen agente batek, alegia.
Helburua grabatzen den deklarazioa, zabaldu daitekeen prozesu judizialean erabili ahal izatea da. Horrela, adingabeak bizi izandakoa toki ezberdinetan kontatu behar izatea saihestu nahi dute, eta horretarako leku seguru eta atsegin bat eskaini.
Lekukotzak jasotzen diren geletako batean, peluxezko hartz batzuk dituzte, txikienek min non egin dieten azaldu ahal izateko; eta bestean haurren marrazkiak hormetatik zintzilik daude. Bitartean, gurasoak beste areto batzuetan zain daude, psikologo baten laguntzarekin. Gela guztiak intsonorizaturik daude.
Armairu horiak dituen sukalde bat ere badago, non adingabeei galletak eta edariak ematen dizkieten deklarazioaren ostean edo atsedenaldietan.
Pasillo terapeutikoa
Pasillo terapeutikoan edo tratamendurako korridorean zortzi gela daude: bik adingabeen eta psikologo taldearen arteko bilerak hartzen dituzte, eta beste lau txikiagoak dira, haurrak gurasoekin elkartzeko dira.
Jostailuak dira nagusi bertan; sukaldetxo bat, puzzleak, hondar kutxak etab. Barnahusean, erizainek adingabeak ikusten dituzte, baita pediatra batek astean behin ere.
Une honetan, aretoak ez daude adinaren arabera antolatuta, baina etorkizunean hori egiteko asmoa dute, Bergerrek aurreratu duenez. Norvegiara egindako bidaia batetik hartutako ideia da.
Bisitan zehar euskal ordezkariek funtzionamenduaren inguruko galderak egiteko aukera izan dute. Besteak beste, epaileek, fiskalek, Eusko Jaurlaritzako adingabeen arreta zerbitzuko kideek, ertzainek eta Osakidetzako profesionalek osatu dute ordezkaritza.
Zure interesekoa izan daiteke
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.
Euri eskasiak hilabete eta erdi aurreratu du transhumantzia Nafarroan
Pirinioetatik Bardearako bidean, Enrique Ballent artzain transhumantearekin izan gara. 1.800 buruko artaldea gidatuko du, bazka bila. Izan ere, klima aldaketaren kontraesanak tarteko, jateko gehiago dago basamortuan goi mendietan baino.
Oiartzunen ustez pistolarekin egindako hiru lapurreten egilea atxilotu dute Hondarribian
23 urteko gaztea espetxeratu egin dute. Lapurretetan erabilitako arma fogeo-pistola bat zela egiaztatu dute.
Gizon bat atxilotu dute Getxon, kalean emakume bati sexu erasoa egiten harrapatu ostean
Erasoa 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute. Algortako Mugimendu Feministak eraso matxista salatzeko bilkura egin du igande arratsaldean.
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera. Osasun arloko langileak bertaratu dira, baina ezin izan dute suspertu, eta hil egin da. Istripuaren ondorioz, zirkulazioa eten egin behar izan dute bi noranzkoetan. Gertatutakoaren nondik norakoak ikertzen ari dira.