ELAren arabera, ehungintzako merkataritzaren greba egunak "arrakasta" izan du Bizkaian eta Gipuzkoan
Ehungintzako merkataritzaren zazpigarren greba egunak Bizkaian izandako "jarraipen zabala positibotzat" jo du ELA sindikatuak. Era berean, sektoreko bigarren greba egunak Gipuzkoan "arrakasta" izan duela azpimarratu du sindikatu abertzaleak.
Bizkaian 8.500 langile zeuden deituta lanuztera, eta deialdia berriro errepikatuko da ostiral honetan, ELAk agiri batean gogorarazi duenez.
Ohar batean ELA sindikatuak Cecobi eta Bizkaiadendak patronalei eskatu die "seriotasuna eta erantzukizuna" ager dezatela hitzarmenaren negoziazioan, eta utz diezaiotela "elementu atzerakoien proposamenarekin blokeatzeari, hala nola antzinatasun-plusa kentzearekin edo udako larunbat arratsaldeko librantzarekin".
Nahiz eta onartu duen asteazkeneko negoziazio mahaian aurrerapauso gutxi batzuk eman zirela, sindikatuak uste du ez direla nahikoa, eta horregatik mantendu ditu ostegun eta ostiraleko grebak.
Bizkaiko merkataritzako langileek akelarre bat egin dute, patronalaren proposamen "atzerakoiak" erretzeko, besteak beste, udako hilabeteetan dendak larunbat arratsaldeetan zabaltzea edo "erosteko ahalmena bermatzen ez duten" soldata igoerak.
Grebak eragin berezia izan du Bilboko erdialdean, non beharginen piketeak izan dira irekiera orduan. Cecobi patronalaren egoitza aurrean elkarretaratzea egin ondoren, langileak Aldundiko jauregira joan dira, bertan akelarre bat egiteko. Hitzarmenaren negoziazioan, patronalak egin dizkien proposamen "atzerakoiak" erre dituzte.
Gipuzkoan, sindikatuak egiaztatu duenez, Garbera eta Urbil merkataritza-guneetan Stradivarius bezalako dendak "guztiz itxi dituzte", baita Oyshoko bi saltokiak; Garberako Berskha eta Parfois ere.
ELAren hitzetan, beste hainbat denda zabaldu dituzte, baina "langile gutxirekin"; izan ere, "behargin gehienek" greba babestu dute H&M, Boboli, IKKS, Nanos, Springfield, Maximo Dutti, Zara, Tezenis edo Intimissimin.
Sektorearen lan-baldintzak hobetzeko proposamen bat eskatu die ELAk Adegiri eta Merkataritza Federazioari: "erosteko ahalmena bermatzeko soldata igoerak, gehiegizko partzialtasunarentzako konponbideak eta urteko lanorduak 1.749ra murriztea, besteak beste".
Goizean Txingudi, Mendibil, Urbil eta Garbera merkataritza-guneetan elkarretaratzeak egin dituzte beharginek. Eguerdian, 12:00ak aldera, Donostiako San Martin merkataritza-gunean gauza bera egin dute. Ondoren, akelarre bat egin dute, "patronalaren proposamena erretzeko".
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.