Remirezek esan du Uxue eta San Martin Unx inguratu zituen sutea nahita piztu zutela
Javier Remirez Nafarroako Presidentetza eta Barne kontseilariak Foru Parlamentuan aurreratu duenez, Uxue eta San Martin Unx inguratu zituen sutea nahita piztu zuten.
Remirezek Foru Ganberan azaldu duenez, "aurrekaririk gabeko" larrialdi egoera bati aurre egin behar izan zioten.
Ekainaren 18an, Galipentzu, Uxue eta San Martin Unx hustera behartu eta 5.000 hektarea kiskali zituen sutea pertsonaren batek propio eragin zuen, Remirezek esandakoaren arabera.
Halaber, gizakien eskua dago Lerate, Alloz eta Eunatetik Obanosera zabaldu ziren suteen atzean. Ikerketaren arabera, nekazaritza makinen txinpartek piztu zituzten Arguedas, Legarda eta Berriozarreko suteak; tximistek, berriz, Leire eta Olletakoak.
Remirezek ez du dimisiorik emango, argi utzi du Navarra Suma koalizioaren kritikei erantzunez. Presidenteordeak azpimarratu du suteei aurre egiteko protokoloak "garaiz" jarri zirela martxan.
Remirezen ahotan, lehentasuna bete zen, "kalte pertsonalik ez izatea", alegia. Hala ere, aurrera begira, neurriak eta protokoloak eguneratzeko borondatea azaldu du kontseilariak.
Bestalde, Nafarroako Gobernuak azken suteetan kaltetutako baso guztiak lehengoratzeko lanak bere gain hartuko ditu, lursail pribatuak, udalenak zein Exekutiboarenak izan, Itziar Gomez Landako Garapen eta Ingurumen kontseilariak azaldu duenez.
Suteen balantzea egiteko batzordean, agerraldia egin du kontseilariak. Laborantzako 2.257 hektarea kiskali dira, horietatik 2.000 baino gehiago zereal ortuak ziren. Gainera, 86 hektarea fruitu lehor, 36 mahasti eta 33 olibadi erre ditu suak.
Labore lursailen ia % 100ek asegurua zuten, % 73 mahastien kasuan, eta % 22 olibadietan.
Basoei dagokionez, kiskalitakoa neurtzeko lanean jarraitzen dute, baina zuhaixka eta baso mediterraneo 7.600 hektarea inguru kiskali dira, baita 4.500 hektarea zuhaitz ere (batez ere, koniferak).
Kontseilaritzako adituen arabera, suaren ezaugarriengatik, oso azkar zabaldu baitzen, eta baso sistemak kontuan hartuta, berreskuratze naturalaren portzentajea handia izango da.
Fauna
Faunari dagokionez, suak hegazti harrapariak hil ditu, belatz handia, sai arrea, Bonelli arranoa, ugatza eta arrano beltza, esaterako. Naumann belatzak, aztoreak, gabiraiak, miru gorriak eta beltzak, arrano sugezalea eta arrano txikia ere astindu ditu hondamendiak.
Era berean, haragijale ertainei eragin diete suteek, besteak beste, basakatuari eta saguzarrei, ungulatuei eta anfibio zein narrastiei.
Fauna berreskuratzeko landaredia lehengoratzea beharrezkoa izango da, kontseilariak esan duenez.
Basoen kudeaketa
Gomezek agerraldian aurreratu duenez, Nafarroako Exekutiboa udalerriekin bilduko da uztailaren 4an. Batzarrean, basoen kudeaketa Foru Gobernuaren esku uztea planteatuko die horretarako gaitasunik ez dutenean edo beste arrazoi batzuk tarteko. Zentzu horretan, Frantziako eredua aipatu du Ingurumen kontseilariak.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.