Normaltasuna nagusi irteera operazioaren lehen egunean, trafiko pilaketak egon diren arren ohiko lekuetan
Gaur, ostirala, hasi da udako lehen irteera-operazio handia eta zirkulazio-dentsitate handia espero da Euskal Autonomia Erkidegoko errepideetan, batez ere, 15:00etatik aurrera. Eusko Jaurlaritzako Trafiko Zuzendaritzaren aurreikuspenen arabera, Udako Irteera-Itzulera Operazio Bereziak Euskadiko errepideetan 2019koaren "antzeko" joan-etorrien kopurua izango du. Orain, lehen orduetan lasaitasuna da nagusi, ohiko puntuetan trafikoa handia dabilen arren.
Eusko Jaurlaritzako Segurtasun Sailak arratsaldean zehar luzatu diren auto-pilaketen berri eman dio eitb.eus-i. Dena dela, zenbait puntutan arintzera jo dute azken orduotan.
Hala, pilaketak amaitu egin dira AP-8ko 0 puntu kilometrikoan, Irun aldean, Baionarako noranzkoan. Bi kilometrokoak izatera iritsi dira, arratsaldeko lehen partean. Zarautzeko ordainsariaren parean ere, Donostiarako noranzkoan, pareko auto-ilarak sortu dira.
Arratsaldeko lehen orduetan, trafikoaren foku nagusietako bat Muskizen kontzentratu da, A-8 errepidean, Kantabriarako bidean. Hala ere, azken orduetan dentsitatea nabarmen murriztu da, eta unean normaltasunez ibil daiteke.
Gainera, 19:00ak aldera istripu bat izan da AP-68an, Urkabustaiz parean, Bilbora bidean. Kaltetutako ibilgailuak tokian dirau eta larrialdietako zerbitzuak ere bertaratu dira ezbeharra artatzera, bideko zati bat okupatu dutelarik.
Udako irteera operazioa
Irteera operazio honetan, 38 milioi joan-etorri baino gehiago espero dituzte barne-trafikoari dagokionez, baina, hala ere, Trafiko zerbitzuak zehaztu du kopuru hori erregaien prezioaren gorakadak baldintzatu dezakeela.
Nolanahi ere, bidaia hasteko ordurik txarrenak gaurko 15:00etatik 23:00etara eta larunbat goizean izango dira, tarte horietan trafiko "handia" egongo baita.
Ohikoa denez, arreta berezia jarriko zaie puntu "kritikoei": A-8 autobidea Kantabriarako noranzkoan, AP-8 autobidea mugaldean, Armiñongo lotunea, AP-1 eta N-622 errepideen arteko lotuneak Gasteizerako bidean, eta N-622 eta A-1 errepideak Burgoserako noranzkoan.
Gainera, nazioarteko trafikoaren fluxua itzuliko da, Itsasartearen Pasabidearen Operazioa berriro aktibatu delako, covid-19aren pandemiak eragindako bi urteko geldialdiaren ondoren. Beraz, aurreikuspenen arabera, uda honetan nazioarteko trafikoaren fluxu handiagoa zeharkatuko du Euskadik, batez ere, Portugalera eta Afrikako iparraldera doana.
Guztira, nazioarteko 1.850.000 ibilgailu igaroko dira euskal errepide-saretik. Hori dela eta, seinaleztapen bereziak jarriko dituzte AP-1 autobideko Etxabarri Ibiñako irteeraren eta N-622 errepidearen arteko lotunean, Gasteizerako noranzkoan, eta, Gasteizen, N-622 eta A-1 errepideen arteko lotunean, Burgos/Madril noranzkoan.
Eusko Jaurlaritzak uda osoan indartuko du errepideetako egoerari buruzko informazioa, Mezu Aldakorreko Panelak, trafikoa.euskadi.eus webgunea, TrafikoaEJGV APPa, Twitter eta 011 telefonoa (24 orduko arreta-zerbitzua) erabilita.
Udako hegaldiak Bilboko aireportuan
Bilboko aireportuak 583 hegaldi aurreikusita ditu uztaileko lehen asteburu honetan, AENAk emandako datuen arabera. Zehazki, ostiral honetan 159 hegaldi programatu dituzte; larunbatean, 122 eta igandean, 136. Gainera, astelehenean, jaieguna, 166 hegaldi izango dira Bizkaian.
Zure interesekoa izan daiteke
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.