ZAINTEL eta Etxean Zaindu, Euskadiko familia zaintzaileei zuzendutako bi zerbitzu berri, martxan
Jaurlaritzak ZAINTEL eta Etxean Zaindu zerbitzu berriak aurkeztu ditu, Berdintasun, Justizia eta Gizarteko Politikako Sailak martxan jarri dituena, menpekotasun egoeran dauden pertsonak zaintzen dituzten familiei zuzenduta.
Beatriz Artolazabalek gidatzen duen Sailak ohar baten bidez zabaldu duenez, Estrategia soziosanitarioaren helburuak, besteak beste, arreta telefonikoa eta Euskadiko senitarteko zaintzaileei laguntzea daude, "zaintzaileen eta mendekotasun-egoeran dauden pertsonen bizi-kalitatea hobetzeko".
Hala, gaurkoan aipatutako bi zerbitzu berriak aurkeztu dira:
-ZAINTEL, doako telefono profesionala da, informazioa, orientazioa eta aholkua emateko. 900 100 356 da telefonoaren zenbakia, eta astelehenetik ostiralera egongo da martxan, 10:00etatik 16:00etara.
Gainera, ZAINTELek posta elektroniko bat (zaintel@euskad.eus), WhatsApp zenbaki bat (619 419 628) eta Facebook eta Twitter-eko kontu bana izango ditu.
Bizitzen Fundazioak koordinatuko du zerbitzu berria. Nerea Fernandez fundazioaren arduradunak azaldu duenez, "talde espezializatua izango du horretarako, eta esperientzia handia izango du familiako zaintzaileekin; horrez gain, familiako zaintzarekin zerikusia duten baliabide eta zerbitzuei buruzko ezagutza handia izango du, eta, horri esker, informazio pertsonalizatua, zainketei buruzko aholkuak, zaintzaileen ongizatea eta autozainketa sustatzeko jarraibideak, emozioetan laguntza eta laguntza psikologikoa emango ditu".
-Etxean Zaindu zerbitzuak "aukera emango du zainketa-plan indibidualizatuagoa garatzeko, autonomia pertsonala eta familia zaintzailearen gizarteratzea sustatu eta babesteko, gainkarga-sentsazioa eta familia zaintzaileek bizi duten estres-egoera murrizteaz gain", Vanessa Resa ASCUDEANeko koordinatzailearen hitzetan. ASCUDEAN Familia Zaintzaileen eta Mendekotasuna duten Pertsonen Elkarteak, eta horrek hartu du programa kudeatzeko ardura.
Beatriz Artolazabalek gogorarazi duenez, Estrategia soziosanitarioaren helburua da "nahi duten pertsonek ahalik eta denbora gehienean etxean bizitzen jarraitu ahal izatea. Eta senitartekoak modu pertsonalean zaindu nahi dituzten pertsonek ahalik eta baldintzarik onenetan zaindu ahal izatea".
Zure interesekoa izan daiteke
Gizon bat atxilotu dute Sarrigurenen, emaztea hiltzea eta ama larri zauritzea egotzita
Gertakariak Eguesibarrean (Nafarroa) jazo dira, arratsaldeko 19:30ak aldera.
Gaizki aparkatzeagatik jarritako isunak egiazkoak direla ziurtatu du Hendaiako Herriko Etxeak
Bidasoa eskualdeko hainbat bizilaguni isunak kobratzeko posta bidez bidalitako gutunak iruzurra zirela zabaldu zuen ostegunean Eusko Jaurlaritzako Segurtasun Sailak.
11 urteko zigorra ezarri diote gizon bati Bizkaian, bikotekide ohiaren etxera baimen gabe sartu eta hura bortxatzeagatik
Bikotekideak izan ziren sei urtez, nahiz eta ez ziren elkarrekin bizi. 2021eko azaroan neskak amaitutzat eman zuen harremana. Gizonak, ordea, kontaktuan jarraitzeko eskatu zion, eta 2021eko azaroaren 22ko goizean emakumearen etxera sartu zen, haren baimenik gabe, eta bortxatu egin zuen.
Baskoniak ehunka zaleren babesa jasoko du Valentzian
Baskoniaren mila jarraitzaile inguru joan dira Valentziara 2026ko Errege Kopa dela eta. Eguraldia lagun, giroa ezin hobea da Baskoniako zaleen bilgunea den "Araba Etxean".
65 urtetik gorako pertsonen artean alkohol eta psikofarmakoen kontsumo handiaz ohartarazi du Eusko Jaurlaritzak
Osasun Publikoaren eta Adikzioen Zuzendaritzak egindako txosten batek agerian jarri duenez, EAEko gizonen ia % 40k egunero kontsumitzen dute alkohola, eta emakumeen artean gora egin du lo-eragileen eta lasaigarrien erabilerak.
8 urteko kartzela-zigorra Legorretan kontrako norabidean zihoala hiru pertsonaren heriotza eragin zuen gidariarentzat
Akusazioek eta defentsak akordioa adostu dute, eta akusatuak erruduna dela onartu du. Hori dela eta, ez da beharrezkoa epaiketarekin jarraitzea. Ostiral honetan Gipuzkoako Auzitegian egindako saioan, auzipetuak barkamena eskatu die biktimen sendiei, malko artean.
Bost pertsona atxilotu dituzte Iruñean, emakume etorkinak prostituitzera behartzeagatik
Emakumeak haien jatorrizko herrialdeetan erakartzen zituzten, “lan-kontratu erakargarriak” eskainiz; Nafarroara iritsitakoan, baina, mehatxatu egiten zieten eta prostituitzera behartzen zituzten.
Gizon batek 10 urteko semea hil du eta emaztea larri zauritu du bart Tenerifen
Guardia Zibilak tiroz hil du ustezko hiltzailea, agenteei matxete batekin mehatxatu ostean.
Aturri ibaiak gainezka egin du Baionan
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.