Euskadiko eredu soziosanitario berriak adineko pertsonak beren etxeetan zaintzea sustatuko du
Eusko Jaurlaritzaren gizarte- eta osasun-zainketen eredu berriak arreta areagotuko du komunitatean eta etxean, kalteberatasun-egoeran dauden 250.000 pertsona ingururen eta haien zaintzan parte hartzen dutenen bizi-kalitatea hobetzeko, "pertsona bakoitzaren bizimoduak eta lehentasunak errespetatuz".
Iñigo Urkullu lehendakaria Euskadiko 2021-2024 Estrategia Soziosanitarioa aurkezteko jardunaldiaren buru izan da ostiral honetan. Ibilbide-orri horretan, euskal erakundeek, modu koordinatuan, pertsona ahulenei ematen zaien arreta eta zerbitzuak hobetzeko lan egingo dute, eta zeharkako 6 lerro, 5 jardun-arlo eta 15 proiektu estrategiko planteatzen ditu.
Estrategia horrek sei zehar-lerro, bost jardun-arlo eta 15 proiektu estrategiko planteatzen ditu, gizarte- eta osasun-zainketen ereduan "paradigma-aldaketa" batean aurrera egiteko.
Lehendakariak ohartarazi duenez, "garai berriak arreta soziosanitarioaren politikak eraldatzeko eta hobetzeko eskatzen digu, eraginkorragoak, jasangarriagoak eta pertsona bakoitzaren bizi-proiektuarekin errespetuzkoagoak izan daitezen"
Hori dela eta, "prebentzioaren eta autonomia pertsonala sustatzearen ikuspegia duten zaintzen ekosistemak sustatuko ditugu. Adinekoek beren etxean edo etxe baten antzekoak diren eta komunitatean integratuta dauden zentroetan bizitzen jarraitzeko duten nahiari erantzungo dioten ekosistemak", gaineratu du.
Euskadin 250.000 pertsonak behar dute arreta edo zerbitzuren soziosanitarioren bat, lehendakariak emandako datuen arabera.
Mendekotasun, desgaitasun, gizarte-bazterketa, garapen-premia berezi, kalteberatasun eta babesgabetasun egoeretan daudenak dira, besteak beste, diziplinarteko esku-hartze estrategikoa behar dutenak.
Lide Amilibia Gizarte Politikako sailburuordeak azaldu duenez, "bizi-zikloaren etapa guztietan pertsonak zainduko dituen arreta soziosanitarioa lortzea da helburua, ikuspegi sistemiko, iraunkor eta bizi-proiektuarekiko errespetuzko batetik".
Erronkak
Hori horrela, Jaurlaritzak azpimarratu duenez, asko dira aurrez aurre dauden errealitate eta erronkak: batetik, bizi-itxaropenaren gorakada, jaiotza-tasa baxua eta biztanleriaren pixkanakako zahartzea.
Beste batetik, etxeetako egituran eta familia-eredu eta -roletan izan diren aldaketak aipatzen dituzte, zeinak ugalkortasun-tasa baxuei eta familien tamainaren murrizketari lotuta baitaude.
Eta, azkenik, gizarte-desberdinkeriaren gorakada, zeinak egonkortu egiten baitu pobrezia larriagoa eta areagotu gizarte-bazterketako egoerak.
Gainera, pandemiak kontuan izan beharreko lehentasun berriak utzi ditu agerian, besteak beste isolamendua eta nahi ez den bakardadea edo justizia- eta ekitate-beharra egoera pandemiko batean.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.