Zaintza sistema eraldatzeko 43 milioi euro jasoko dituzte Euskadik eta Nafarroak
Epe luzeko zaintza proiektuak, gizarte zerbitzuak eta eskuragarritasun unibertsala finantzatzeko Europako Funtsaren 32,2 milioi euro jasoko ditu Euskadik, “zaintza sistema eraldatzeko” helburuarekin, Espainiako Gobernuak EAEn duen Ordezkaritzak jakitera eman duenez. Era berean, Nafarroak ia 11 milioi euro jasoko ditu.
“Zaintza ekonomia zein berdintasun eta inklusio soziala indartzeko politika” proiektuen finantziaziorako kredituen banaketa onartu du Lurralde Arteko Kontseiluak ostiral honetan.
Guztira, 730,8 milioi dira. Ezinbestean hiru arloetako egitasmoak finantzatzera bideratu behar dituzte erkidegoek: epe luzeko zaintza, gizarte zerbitzuak eta eskuragarritasun unibertsala. 730,8 milioi horietatik, Euskadik 32,2 milioi jasoko ditu, Estatuko funtsaren % 4,4. Bestalde, Nafarroak 10.995.407 euro izango ditu eskura, % 1,5.
Ministerioak eta erkidego bakoitzak aldebiko hitzarmena sinatuko dute. Gainera, koordinazio etengaberako mekanismo bat martxan jarriko dute erakunde guztien artean, eraldaketa sozialeko helburuak benetan betetzen direla ziurtatzeko.
Lurralde Arteko Kontseiluak akordioa itxi ondoren, aldebiko hitzarmenak sinatzen hasiko dira Ministerioa eta erkidegoak; bertan martxan jarriko diren proiektu zehatzak (eta haien kostua) jasoko dituzte, baita mugarriak eta helburuak ere. Seihileko bakoitzean bete konpromisoak diren ala ez aztertuko dute aldeek.
Hitzarmenak sinatu eta erkidegoek urteko funtsaren zenbatekoa osorik jasoko dute, nahiz eta Europar Batasunak oraindik dirurik ez entregatu. Espainiako Gobernuak estatuko aurrekontuetan sartzea erabaki du, inbertsioa berehala hasi ahal izateko.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.