Lapurreta edota iruzurrezko karguak online salatu ahalko dira Euskadin hilabete honetatik aurrera
Hilabete honetatik hasita, Euskal Autonomia Erkidegoan (EAE) indarkeriarik gabeko lapurreta baten biktima izan denak bere ondasunen batean kalteak izan dituenak edo kreditu txartelean iruzurrezko karguren bat duenak online jarri ahalko du salaketa, ertzain etxe batera joan behar gabe.
Hala iragarri du gaur, asteazkenarekin, Josu Erkoreka Eusko Jaurlaritzako Segurtasun sailburuak prentsaurreko batean. Era horretara, aukera hori duen Espainiar Estatuko lehenengo polizia izango da Ertzaintza. "Oso prozedura segurua eta bermatzailea da, autentifikazio-sistema eta sinadura digital ofiziala izatea eskatzen baitu", azpimarratu du sailburuak.
Salaketa sarean egiteko, baina, hainbat baldintza bete beharko dituzte delituzko ekintzek, Erkorekaren hitzetan. Lehenik eta behin, egilea nor den ezagutzen ez den edo identifikatzeko modurik ez dagoen eta lekukorik ez dagoen kasuetan bakarrik egongo da eskuragarri. Bigarrenik, indarkeriarik edo larderiarik gabeko delituak dira salatu ahal direnak, alegia larriak ez diren delituak.
Salatzaileak Eusko Jaurlaritzaren webgunera (www.euskadi.eus) jo behar du, eta inprimakia bete eta delituzko ekintzak frogatzeko dokumentazioa (argazkiak zein dokumentuak direla) erantsi ahalko du. Salaketa izapidetzeko identifikazio elektroniko ofiziala beharko da. Dena dela, halakorik eduki ezean, inprimakia deskargatu, hura bete eta Ertzaintzaren komisaria batean aurkeztu ahalko da 72 orduko epean.
Salaketa elektronikoa onartuta eta sinatuta, balio juridiko osoa izango du. Gainera, salatzaileak Jaurlaritzaren webgunean (Nire karpeta atalean) eskura izango ditu salaketaren ziurtagiria, aktaren kopia eta baita bere eskubideak ere, eta, hala, gerora ez du zertan ertzain etxe batera joan, ez bada salaketa zabaltzeko edota datu berriak eransteko.
Zirkulazio isunak bertatik bertara ordaintzeko aukera
Sonia Diaz de Corcuera Trafikoko zuzendaria eta Josu Bujanda Ertzaintzaren burua ondoan zituela, beste berrikuntza bat ere jakinarazi du Erkorekak agerraldian: Ertzaintzaren trafiko patruiletan ordainketa unean eta lekuan bertan egiteko prozedura berria. Patruilek ordainketa egiteko 40 gailu izango dituzte (15, Bizkaian; 15, Gipuzkoan eta 10, Araban) irteera eta itzulera operazioan.
Isunak bertatik bertara ordaintzeko gailua.
Horri esker, trafikoko arau hauste bat egiten dutenek Ertzaintzak isuna jartzen dien unean eta lekuan bertan ordaindu ahal izango dute, eta, hala, "goiz ordaintzeagatiko deskontuak" izango dituzte, isuna etxean jasotzearen zain egon gabe.
Ordainketa beti modu digitalean egin beharko da (kreditu txartelaren bidez edo ordainketa elektronikoen bitartez; inoiz ez, eskudirutan), eta ondoren, ordainagiria jasoko du salatutako pertsonak.
Zure interesekoa izan daiteke
Etxean daude Venezuelan preso egon diren bi euskal herritarrak
Eguerdian hartu dute lur Barajas aireportuan eta errepidez egin dute Madril eta Bilbo arteko bidea. Iluntzean, 18:00ak ondoren, iritsi dira euren etxeetara.
Erriberrin desagertutako gizonaren gorpua topatu dute
Adinekoaren bila ibili dira sei egunez, eta ostiral honetan aurkitu dute haren gorpua, Erriberri eta Beire arteko landa-bide batean.
Euskal Sagardoa izendapeneko sagardotegiek 3,1 milioi litro ekoitzi dituzte aurtengo kanpainan
Euskal Sagardoa jatorri-deiturari atxikitako 46 sagardotegiek 3,1 milioi litro edari ekoitzi dituzte kanpaina berrirako. Horretarako, bertako fruta-arboletako 4,4 milioi kilo sagar erabili dituzte.
Gidari bat hil da N-121-B errepidean, Arizkun parean, istripu batean
53. kilometroan jazo da istripua, Baztan parean, eta medikuak, suhiltzaileak, anbulantziak eta Foruzaingoaren patruilak bertaratu dira.
Dermatosi nodularraren aurkako 42.500 abelburu txertatzea aurreikusi du Gipuzkoak
Gipuzkoak 42.500 behi-abelburu txertatuko ditu dermatosi nodularraren aurka, ostiral honetan lurraldean hasi den nahitaezko txertaketa-kanpainan. Kanpaina hori gutxi gorabehera bi hilabeteko epean osatuko da, 1.900 abeltzaintza-ustiategitan.
Pertsona bat hil da Donostiako Kursaal zubiaren inguruan, ibaira erorita
Salamanca paseoaren inguruan aurkitu dute hilotza, bilaketa-lanak Zurriolako kai-muturrean hasi badituzte ere. Morrua itxita zegoen oinezkoentzat, bai eta Donostiako beste zenbait toki ere, denboralearen eraginez.
Larrialdi zerbitzuak itsasora erori den pertsona baten bila ari dira Donostian
Segurtasun Sailak esan duenez, lekuko batek jakinarazi du pertsona bat itsasora erori dela Zurriolako kai-muturrean, haize zakarra eta olatu handiak dauden lekuan. Suhiltzaileak, anbulantzia bat eta Ertzaintzaren eta udaltzaingoaren patruilak bertan daude.
Ozeanoen tenperaturak marka guztiak hautsi zituen 2025ean
Berotze ozeanikoa ez da uniformea, eta honako hauek dira gunerik beroenak: ozeano tropikala eta Hego Atlantikoa, Ipar Ozeano Barea eta Ozeano Australa, mundu osoko 31 erakundek eta 50 zientzialarik baino gehiagok egindako ikerketa baten arabera.
Venezuelak aske utzi dituen bi bilbotarrak "nahiko ondo" daude, Eusko Jaurlaritzaren arabera
Radio Euskadin egindako adierazpenetan, Jaurlaritzako Kanpo Harremanetarako idazkariak salatu du atxilotuta egon diren 15 hilabeteetan ez dituztela haien eskubideak errespetatu, eta egoera "benetan larria" pairatu dutela.
Gasteizen kalean bizi diren Maliko asilo eskatzaileak Jaurlaritzak kudeatzen dituen zentroetara eraman dituzte
Gasteizko kaleetan bizi diren Maliko 30 bat errefuxiatu Eusko Jaurlaritzako hainbat zentrotara eraman dituzte aldi baterako. Nerea Melgosa Ongizate, Gazteria eta Erronka Demografikoko sailburuak Espainiako Gobernuari eskatu dio, bere "betebeharrak" betetzeko eta Maliko asilo eskatzaileen egoera administratiboa bideratzeko.