Bi urteko hutsunearen ostean, lehen entzierroa hartuko dute ostegun honetan sanferminek
Iruñeak festetako egun handia ospatuko du ostegun honetan, uztailak 7, San Fermin santuaren ohorezko prozesioarekin. Santuaren irudiak karriketan zehar ibilbidea egin eta iruindarren maitasuna jasoko du berriro, bi urteko etenaldiaren ondotik.
Gainera, Nuñez del Cuvillo (Cadiz) ganadutegiko zezenak izango dira lehen entzierroko protagonistak. Entzierroa zuzeneko emanaldia izango da egunero ETB1en eta eitb.eus-en. Goizero, "Entzierroa" saio bereziak Iruñeko alde zaharreko kaleak zeharkatuko dituen emozioz beteriko lasterketa eskainiko du 07:45etik aurrera. Nerea Reparaz eta Joseba Olagarai aurkezle nafarrek gidatuko dute saioa eta Leire Martinez eta Albina Stardust kazetariek, besteak beste, bertatik bertara jasoko dituzte kaleetako jai-giroa eta lehen inpresioak.
Hala ere, osteguneko ekitaldi nagusia santuaren omenezko prozesioa eta meza izango dira, Udalbatzaren partaidetzarekin. 09:55 aldera, Udalbatza udaletxetik aterako da; besteak beste, erraldoien eta buruhandien konpartsak, La Pamplonesak, txistulariek, gaiteroek, mazolariek edo libreek lagunduta. Guztiak batera, Katedralera, San Fermin Kaperara joango dira. Bertatik aterako da santua, alde zaharretik ibilbidea egiteko.
12:00ak aldera, santua San Lorentzoko kaperara itzuli ostean, San Ferminen ohorezko meza hasiko da. Francisco Perez Iruñeko artzapezpikuak emango du.
Esan bezala, eguneko beste une berezi bat lehen entzierroa izango da. Cadizeko Nuñez del Cuvillo ganadutegiko animaliak izango dira protagonistak.
Ohitura den bezala, zortziak jo baino minutu batzuk lehenago, korrikalariak Santo Domingo aldapan bilduko dira, santuaren horma-hobi aurrean abesteko eta San Fermini lasterketan zehar laguntza eskatzeko. Zortziak puntu-puntuan suziria botako dute, eta zezenak ukuiluetatik aterako dira, zezen-plazara arte bidea egiteko. Arratsaldean zezenketa izango da.
Konkretuki, 18:30ean hasiko da zezenketa, Morante de la Puebla, El Juli eta Andres Roca Rey toreatzaileen eskutik.
Etxeko txikienek ere tokia izango dute; izan ere, erraldoien eta buruhandien konpartsa 09:30ean abiatuko da Kale Nagusiko Ezpeleta jauregitik. Gainera, goizean zein arratsaldean haurrentzako jarduerak izango dira hiriko hainbat tokitan.
Gauean, 23:00etan, Su Artifizialen Nazioarteko XXI. Lehiaketako bigarren ikuskizunaren txanda izango da. Aquareve pirotekniak (Scy-Chazelles, Moselle, Frantzia) Rêve d'une nuit d'été izeneko ikuskizuna eskainiko du.
Albiste gehiago gizartea
Lau zauritu, horietako bi larri, Sunbillan izandako trafiko-istripu baten ondorioz
Istripua N-121-A errepideko 54. kilometroan gertatu da, Larrakaitzeko tunelean. Bi autok eta bi kamioik talka egin dute.
Hizkuntza gutxituak biziberritzeko arnasguneek duten garrantzia aztertuko dute Azpeitian
Nazioarteko konferentzia egingo dute urriaren 16 eta 17an, Soreasu antzokian, eta horretan izena emateko epea bihar, asteazkenean, amaituko da.
Osasun egoera larrian dauden Gazako bost adin txikiko EAEko ospitaleetan artatuko dituzte hil honen amaieran
Alberto Martinez Eusko Jaurlaritzako Osasun sailburuak iragarri duenez, hilabete honetan bertan osasun- egoera larrian dauden bost adin txikiko gazatar artatuko dituzte EAEko erietxeetan.
Seme-alaben zaintzarako lanaldi-murrizketen edo eszedentzien dirulaguntzak % 10 igoko dira
Halaber, 4 eta 7 urte bitarteko seme-alabak dituzten guraso bakarreko familiek 100 euroko laguntza jasoko dute, familia ugariek dagoeneko jasotzen duten dirulaguntza bera. 2026ko urtarril edo otsailerako dekretu berria onartzea aurreikusi du Eusko Jaurlaritzak.
Maskota izateagatik tasa bat ordaintzea? Eibarren aukera hori aztertzen ari dira
Maskotak erroldatzeagatik tasa sinbolikoa ezartzea aztertzen ari da PSE-EEk eta EAJk osatutako Eibarko Udala. Espainiako Estatuko zenbait udalerritan 10 eta 50 euro artean kobratzen dute dagoeneko.
AP-15 autobidea itxi dute Izurdiagan, istripu larri baten ondorioz
Ezbeharra 110. kilometroan gertatu da, iparralderako noranzkoan. Bi pertsona zauritu dira, horietako bat larri.
Epaileak hilketatzat jo du uztailean Zizurren hildako emakumearen kasua, eta epaimahaiaren prozedura bideratu du
Iruñeko Emakumeen aurkako Indarkeriaren arloko 1 zenbakiko epaitegiko titularrak epaimahaiaren prozedura abiatzea erabaki du, uztailaren 29an Zizur Nagusian 78 urteko emaztea hil zuelakoan 85 urteko gizon baten aurka abian den auzian. Hilketa delitua leporatzen diote, azpikeriaren astungarriarekin.
Osakidetzak betetzeko zailak diren plazen lan-eskaintza publikoa deituko du 2026an
Betetzen zailak diren Osakidetzako plazen eskaintza egitea Osasunaren Euskal Itunean jasotako neurrien multzo baten parte da. Ildo horrek atxikipena, fidelizazioa eta lidergo profesionala sustatzen ditu, plantillak egonkortzeko eta zerbitzu publikoen jarraipena bermatzeko helburuarekin.
OMEk ohartarazi du bakterioak gero eta erresistenteagoak direla antibiotikoei aurre egiteko
Osasunaren Mundu Erakundearen arabera, antibiotikoekiko erresistentzia etorkizuneko osasun mehatxurik handienetako bat da.
Uholdeak eragin ditu 'Alice' depresio isolatuak Balearretan, Eivissan batik bat
Alice goi-geruzetako depresio isolatuak arazoak eragin ditu iberiar penintsulako isurialde mediterraneoan, baita Balear Uharteetan ere. Eivissan, esaterako, uholde handiak izan dira.