Bilbobusek eta Bizkaibusek emakumeei gogorarazi diete eskura dutela eskaeraren araberako geldialdi zerbitzua
Bilbobusek eta Bizkaibusek kanpaina bateratu bat abiarazi dute herritarrei, batez ere emakumeei, gogorarazteko eskura dutela gauetan eskaeraren araberako geldialdi zerbitzua, hau da autobusak gehien komeni zaien puntuan gelditzeko aukera. Aukera hori eskaintzen dute 22:30etik hurrengo eguneko 06:30era Bilbobuseko eta Bizkaibuseko linea guztietan, eta gaueko joan-etorrietan erabiltzaileei segurtasun-mezua helaraztea du helburu.
Miguel Angel Gomez Viar Garraioak eta Mugikortasun Jasangarria Sustatzeko diputatuak eta Nora Abete Bilboko Udaleko Mugikortasun eta Jasangarritasun Saileko zinegotziak gaur aurkeztu dute ekimen hau; batera garatuko dute, batez ere, Bizkaibusen eta Bilbobusen autobusetan eta markesinetan, azalpen-kartel eta -liburuxken bidez.
"Jazarpenaren aurkako geldialdiak" izenarekin ere ezagun direnak 2018. urtetik daude martxan Bizkaibusen zein Bilbobusen.
Ekimena abiarazi zenetik pasa den maiatzaren 1era arte, 1.499 bitarteko geldialdi eskatu dira guztira Bizkaibusen, eta 615, Bilbobusen. Horien % 56 goizeko lehen orduetan eskatu dira, 05:00etatik 6:30era bitartean. Gomez Viarrek azaldu duenez, "azken urteetako datuak eskuan ditugula, batez ere beren lantokira doazen emakumeak dira gehienetan autobusa ibilbidearen erdiko leku batean gelditzeko eskatzen dutenak", ez alferrik, abuztua da eskaera gutxien erregistratzen diren hilabetea, diputatuaren esanetan.
Eskaera gehien jaso dituen autobus-linea A3136 da, hots, Bilboko metropoli osoa hartzen duena –Bilbo, Barakaldo, Sestao, Portugalete eta Santurtzi udalerriak–; eskaerak, guztira, 987 dira. Jarraian, A3622 Bilbo-Basauri-Astunduaga-San Miguel-Zaratamo (103 eskaera guztira) eta A3932 Galdakao-Metro Bolueta (71).
"Eskaeraren araberako geldialdiek emakumeen segurtasuna indartzen dute; izan ere, hirian zehar oinez egin behar duten ibilbidea laburtzen dute eta helmugara iristeko denbora murrizten", azaldu du, Nora Abetek.
Nola eskatu geldialdi bat?
Bilbobusek eta Bizkaibusek lagun egingo diete, hala, gauez bakarrik mugitzen diren emakumeei beren helmugatik hurbilen dagoen lekuraino. Zerbitzua erabili ahal izateko, emakumeek autobusaren aurrealdetik igo beharko dute, eta gidariari behar besteko denborarekin jakinarazi non jaitsi nahi duten, betiere, geratzeko lekua linearen ibilbidearen barruan badago. Une horretan erabakiko du gidariak eskatutako lekuak bide-segurtasuneko baldintzak betetzen dituenentz autobusa gelditzeko. Bestela, ahalik eta tokirik hurbilean geratuko du ibilgailua, eta emakumea aurreko atetik irtengo da beti.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.