Jandilla beldurgarriek entzierro azkarra egin eta adarkatu bat utzi dute
Seigarren entzierroa egin dute gaurkoan Jandilla ganadutegiko zezenek, Cebada Gagokoekin batera sanferminetako beteranoek. Lasterketa azkarra (02:20) eta atzokoa baino garbiagoa izan da. Dena dela, Gurutze Gorriko lehen balantzearen arabera, adarkatu bat izan da.
Bost pertsona eraman dituzte zaurituta, kolpeak eta erorikoak tarteko. Gainera, horietako bat zezen plazako erizaintzara eraman behar izan dute, zezenak adarra sartu baitio eskuineko besoan.
Arriskutsu ospea dute Jandillako zezenek (eurek eragin zuten, 2009an, entzierroetako azken hildakoa), baina, gaurkoan behintzat, lasterketa politak egin ahal izan dituzte korrikalariek animaliak nahiko banatuta ibili baitira. Une zirraragarriak izan dira, baina tentsio momentuak ere.
Gaztaina koloreko adardun bakarrak aurrea hartu die anaiei entzierroaren lehen unetik, eta, gero, beltz bat gailendu zaio. Biek ala biek abiada bizia eman diote lasterketari, Estafetan eta zezen plazaren sarreran erorikoren bat izan badute ere.
Unerik kezkagarrienetako bat Udaletxe parean izan da, zezen nabarrak emakume bat harrapatu du, eta azken hori lurrera jausi da indar handiarekin. Zezen plazarako sarbidean, beste batek adarra sartu dio korrikalari bati elastikoan, eta hainbat metrotan eraman du, askatzea lortu duen arte.
Dena dela, betiere Gurutze Gorriaren arabera, "kezka handien eragiten duen pazientea" torax eta sabelaldean kontusioa duena da; Espoz y Mina parean zauritu da.
Zure interesekoa izan daiteke
Euskal Herriko lau jatetxek lehen Michelin izarra lortu dute
Bakea (Mungia), Islares (Bilbo), La Revelía (Zornotza) eta Itzuli (Donostia) dira zerrenda ospetsuan debuta egin duten jatetxeak. Bakeak Izar Berdea aipamena ere lortu du, gastronomia jasangarriarekin konprometitutako establezimenduak premiatzen dituena.
Indarkeria matxistaren aurka egiteko konpromisoa eskatu dute Euskal Herri osoan
Feminismoak Euskal Herriko kaleak hartu ditu azaroaren 25 honetan, indarkeria matxista salatu eta horri aurre egiteko aldarriak ozen zabaltzeko. Izan ere, feministek salatu dutenez, matxismoa bizitzaren alor guztietara hedatzen da.
Milaka herritar atera dira kalera, indarkeria matxista eta konplizitate sareak salatzeko
Euskal Herriko Mugimendu Feministak eta Itaia antolakunde sozialistak deituta, dozenaka protesta-ekintza egin dira arratsaldean. Urtea hasi zenetik, Euskal Herriko zazpi emakume hil dituzte haien bikotekideek.
Mugimendu Feminista: "Indarkeria instituzional matxistari zentralitatea ematea da gaurko aldarrikapen nagusia"
Indarkeria Matxistaren Aurkako Nazioarteko Egunean, Euskal Herriko Mugimendu Feministak deituta, dozenaka protesta ekintza egin dira herri eta hirietan, arratsaldean. Milaka herritar atera dira kalera, "indarkeria instituzional matxista" salatzeko. Naia Torrealdai EHko Mugimendu Feministako eledunak esan duenez, erakundeek behin eta berriz berbiktimizatzen dituzte emakumeak, "batez ere, egiten ez dutenagatik".
Zizur Nagusiko istripuan larri zauritu zen 55 urteko emakumea hil da
Hiru egun garun-heriotza egoeran eman ondoren hil da. Istripuan bost zauritu izan ziren, eta horietako biri alta eman zaie.
Indarkeria matxistaren aurkako borrokan gizarte osoaren inplikazioa aldarrikatu dute erakundeek
Goizean erakundeek elkarretaratze isilak egin dituzte eraikin ofizialen atarietan. Arratsaldean, 19:00etan hegoaldeko hiriburuetan, eta 18:30ean Baionan elkartuko dira mugimendu zibilak, talde feministek deituta.
Abisu horia EAEn euriagatik, metro karratuko 65 litro pilatuko direlako
Batez ere, ipar partean botako ditu zaparradak, eta ekaitzak jo eta txingorra egin dezake kostaldetik gertu.
Antxoa gazteak ugari dira Bizkaiko Golkoan eta batezbesteko historikoa bikoiztu dute
Aurten Juvena kanpainak estimatutako kopuruak —38.160 itsas milia karratuko azalera hartu du aztergai— udaberrian jaiotako ale gazteek bikain biziraun dutela utzi du agerian, eta larba- eta gazte-faseen garapenerako baldintza ozeanografiko eta ekoizgarri oso onuragarriak egon direla erakusten du.
Xabier Anduaga tenoreak jasoko du 2026ko Urrezko Danborra
Donostiako Udalaren Bozeramaileen Batzordeak proposatutako 56 hautagaien artean aukeratu du tenore donostiarra.
Gaur hasiko da Pablo Gonzalezen aurkako epaiketa Polonian, espioitza leporatuta
Kazetaria Ukraina eta Polonia arteko mugan atxilotu zuten 2022ko otsailean, Errusiak Ukraina inbaditu eta egun gutxira, Errusiako zerbitzu sekretuko espioia izatea egotzita.