Etxebarri Erretegia, munduko jatetxerik onena izateko hautagai nagusien artean, astelehen honetan
Bittor Arginzonizen Etxebarri Erretegia (Atxondo) munduko jatetxerik onena izateko hautagai nagusien artean dago; izan ere, astelehen honetan, hilak 18, Londresen, 21:30etik Aurrera (Euskal Herriko ordua), The World's 50 Best Restaurants zerrenda aurkeztuko dute, eta horretan Etxebarri Erretegia hirugarren postuan sailkatu zen 2021ean. Gainera, egungo irabazleak, Danimarkako Noma jatetxeak, ez du aukerarik zerrendan agertzeko, eta horrek ere indartu egiten du Etxebarriren hautagaitza. Mugaritz eta Elkano jatetxeak, 14.a eta 16.a 2021ean, hurrenez hurren, lehen postuetan egon litezke berriro, halaber.
Testuinguru horretan, Kopenhagen dagoen Noma jatetxea (Rene Redzepi chefa du buru) izan zen iaz The World's 50 Best Restaurants zerrendako lehenengoa; berriki hartu duten erabaki baten ondorioz, baina, hemendik aurrera Best of the Best izeneko ospe-aretoko kidea izango da, lehen tokian ere izandako beste jatetxe handi batzuekin batera, eta, hortaz, ezingo du 2022ko sailkapenean agertu.
Bittor Arginzonizek, Etxebarri Erretegiaren jabea bera, gainerako sukaldariek emandako Chef's Choice saria jaso zuen 2021ean; izan ere, parrilaren maisua, 50 Besten arabera, "ia edozer erretzeko gai da". Gainera, sariez arduratzen direnek diotenez, "zapore sinestezinak lortzen ditu, osagai itxuraz xumeak erabiliz ere".
Kopenhageko beste jatetxe batek, Geraniumek hain zuzen ere, bigarren postua eskuratu zuen iaz, eta, hortaz, faborito nagusietakoa da ere.
Mugaritzek eta Elkanok ere aukera onak dituzte
Lehen postuetatik oso gertu, zehazki hamalaugarren eta hamaseigarren tokietan, hurrenez hurren, Mugaritz Jatetxea (Errenteria, Andoni Luis Adurizena) eta Elkano Jatetxea (Getaria, Aitor Arregi) sailkatu ziren. Biek ala biek aukera ona dute oraingoan gorako kokatzeko astelehenean jakitera emango duten zerrendan.
Uztailaren 5ean, zerrendako 51.etik 100.era arteko postuak aurkeztu zituzten. 55. tokian, Eneko Atxa chefaren Azurmendi Jatetxea (Larrabetzu) sailkatu da. Nerua Guggenheim Bilbao Jatetxea eta Arzak Jatetxea (Donostia), baina, ez ziren sailkapen horretan agertu, eta, beraz, baliteke astelehenean lehen 50en artean kokatzea.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.